ҒУССА МАХӮР, МУСОФИР....

ҒУССА МАХӮР, МУСОФИР, МИСЛИ ТУ МАН ҒАРИБАМ,
АЗ ДИДАНИ ВАТАН МАН, МИСЛИ ТУ БЕНАСИБАМ.

ДАРДУ БАЛОИ ДУНЁ ДАР СИНАИ МАНУ ТУ,
ТАНҲО ТУ БЕТАБИБ НЕ, МИСЛИ ТУ БЕТАБИБАМ.

ДАР ШАҲРИ КАС ҒАРИБӢ, БЕЁРУ БЕРАФИҚӢ,
ТАНҲО ХУДАТ НАБОШӢ, МИСЛИ ТУ БЕҲАБИБАМ.

ҒУССА МАХӮР, МУҲОҶИР, ДАР БАРИ ОЛАМИ ПИР,
МАН АЗ ҶАФОИ ДУНЁ, МИСЛИ ТУ МУЗТАРИБАМ.

АРМОНИ ДИЛ МАКУН, ЭЙ, ҲАМВАТАН БА ҒУРБАТ,
ҲАРЧАНД ҒУССА ДОРАМ, БА ОРЗУ ҚАРИБАМ.

ҒУССА МАХӮР, БАРОДАР, БАРОДАРИ ВАТАНДОР,
МАН БАҲРИ ТУ ҲАМЕША БАРОДАРИ НАҶИБАМ.

ЭЙ, ҲАМҚАЗОЮ ТАҚДИР БАРОДАРИ МУСОФИР,
МАН АЗ ҚАЗОВУ ТАҚДИР, МИСЛИ ТУ ДАР АҶИБАМ.