"Киләсәк моторҙары " белгестәре Өфө фән һәм технологиялар университеты базаһында йөк автомобилдәре өсөн интеграцияланған электр машинаһының (ИЭМП) тәжрибә өлгөһөн яһаған.
Эшләнмә двигателде ҡабыҙып ебәреү һәм электр энергияһын генерациялау функцияларын берләштерә, шулай уҡ двигателде ҡабыҙмайынса тигеҙ ерҙә маневр яһау мөмкинлеген бирә.
Проект бөгөнгө көндә инженер кадрҙарын әҙерләүҙең миҫалы булып тора: студенттар һәм йәш белгестәр аныҡ мәсьәләләр өҫтөндә эшләй һәм уҡыу процесында уҡ ғәмәли ҡарарҙарға өлгәшә.
Әле Рәсәйҙә 50 алдынғы инженер мәктәбе эшләй — биш йыл эсендә уларҙы 23 төбәктә алдынғы юғары уҡыу йорттары базаларында асҡандар. «Берҙәм Рәсәй» программаһы буйынса алдағы йылдарҙа шунса уҡ мәктәп асыу планлаштырыла.