Асăмрах Беляев

Округ центрĕн Спорт çуртĕнче Совет Союзĕн Геройне Александр Филиппович Беляева асăнса округри кире пуканĕ йăтакансен черетлĕ чемпионатне йĕркеленĕ.
90 ытла атлет ỹсĕме кура 6, 8, 12, 16, 24 килограмлă пукансене йăтса тупăшнă. Çăмăл виçесенчи спортсменсенчен Мария Егоровăпа Анастасия Семенова (Çĕнĕ Пăва шкулĕ), Артем Сайкинпа Павел Александров (Елчĕк), Ксения Львовăпа Валерия Доброхотова (Патреккел) тата Евгения Изратова (Елчĕк) ылтăн медальсене çĕнсе илнĕ. Чи çамрăк кире пуканçăсене — Нелли Турхана (Çĕнĕ Пăва) тата Артур Портнова (Елчĕк), чи лайăх техникăшăн Тарас Пупина (Кĕçĕн Шăхаль) ятарлă парнесемпе чысланă. София Соловьева (Елчĕк) куракансен призне тивĕçнĕ.
Шкулсен командисен рейтингĕнче тĕрлĕ ушкăнра Курнавăшсем (2 вырăн), Патреккелсем, Елчĕксем мала тухнă, территори пайĕсенчен — Кĕçĕн Таяпасем.