​​📝​​​​Рафиқамга мактуб...

Солиҳам, меҳрибоним, дунё ва охиратда менинг жуфту ҳалолим!
Ҳадичам, сен билан яшаган вақтим
сенга кучли боғланиб қолибман.
Мен сендан кўп яхшиликлар ҳам кўрдим.
Сен пиширган шириндан ширин таомларни ****, лаззатландим, раҳмат!
Сен билан ўтган кунларим-у, тунларимда менга меҳр, ҳузур-ҳаловат бағишладинг.
Аллоҳ рози бўлсин.
Шунча вақт мобайнида менинг бир қисмим бўлиб қолибсан-ки, сени йўқотсам - ярмим йўқдек туюлади.
Мени энг хурсанд қилган нарса, кеча:
"Сиздан ажралмасликни ҳар намозимда Аллоҳдан сўрардим" деганинг бўлди. Яна "Сиздан намозни ўргандим, ҳалол ҳаромни, маҳрам-номаҳрамни, рўмол ўрашни...., кўп нарса ўргандим, Алҳамдулиллаҳ" деганларинг бўлди.
Аллоҳ муслималигингни давомий қилсин!
"Жоҳиллик ҳаётига қайтгим келмаяпти" деганингда, мен қанчалик сен учун қувонганимни билганингда эди...
Илк учрашган кунимиз... таксидан тушганингни кўрганимни ўзидаёқ, сени жуда яхши кўриб қолганман.
Ёнимда рўмол ўраб, намоз ўқиб турган пайтинг - МАН УЧУН ЭНГ СЕВИМЛИ ЛАҲЗА бўлади.
Яхшиликни тез қабул қилганинг, ёмонликдан тез юз ўгира олганинг қалбимда сенга нисбатан янада меҳр-муҳаббат уйғонишига сабаб бўлди. Аллоҳ сени яхшиликлар билан мукофотласин.
Тилингни ширин бўлиши, манга қанчалик ёқимли бўлса, ёмон гапларни гапиришинг, шу қадар ёқимсиз бўлади.
(Хожамга раҳмат, мактуб учун!
Хадичахон)
Аёлларига ширин сўз айтолмайдиган эркаклар!
Ҳеч бўлмаса хат ёзинг, айта оладиганлар кўп-кўп айтиб туринг. Зеро мақтов аёл кишини янада гўзаллаштиради, хурсанд қилади, яширин имкониятларини очилишига туртки бўлади.
Ушбу мактубни - кўпхотинли окамиз, ўз аёлларига ёзибдилар. Сизга намуна бўлсин, ҳурматли эркаклар. Хайитлик беролмаганлар, ҳеч бўлмаса, бир энлик мактуб ёзиб, хурсанд қилинг аёлларингизни.
Аёлингизга мингта совғадан, шундай ширин сўзлар қадрлироқ.
Айтганча, мактубни аёлизга юбормоқчи бўлсангиз, тепадаги ХАДИЧА исмини ўчириб, аёлингизни исмини ёзишни унутманг. Яна қош қўяман деб, кўз чиқариб юрманглар