Казанская икона Божией Матери пользуется в России беспримерным почитанием. Обычно именно этой иконой благословляют молодых к венцу, именно ее вешают у детских кроваток, чтобы кроткий лик Богородицы с любовью смотрел на юных христиан.

Казанский собор в Москве Ныне в Москве на Красной площади вновь стоит посвященный этой иконе Казанский собор, разрушенный в середине 1930-х и возрожденный уже в наши дни по чертежам, сохраненным замечательным реставратором Петром Дмитриевичем Барановским. Вновь в нескольких шагах от Воскресенских ворот и неподалеку от памятника спасшим Русь гражданину Минину и князю Пожарскому возносятся пред ликом Казанской иконы молитвы.

Казанский кафедральный собор в С.-Петербурге Возвращен Церкви и Казанский собор в Санкт-Петербурге, в котором покоится прах фельдмаршала М. И. Кутузова, отстоявшего Россию два века спустя. Казанская икона — незыблемое напоминание о милости Богородицы к Русской земле, о заступничестве Ее за нашу страну в тяжелейшие для России годы.

Казанский Богородицкий монастырь, Казань В 1552 году, на следующий день после взятия Казани войском царя Иоанна Васильевича, монаршим повелением заложен был собор во имя Благовещения Пресвятой Богородицы, а спустя год учреждена Казанская епархия и прислан первый Казанский владыка, святитель Гурий. Но спустя четверть с лишним века, в 1579 году, страшный пожар опустошил половину Казанского кремля с прилегающей к нему частью города. И магометане заговорили, будто это русский Бог немилостив к людям и пожаром показал Свой гнев на них. «Вера Христова, — замечал летописец, — стала притчею и поруганием». Именно тогда и явил Господь милосердие Свое. 9-летней девочке, стрелецкой дочери Матрене, явилась во сне Богородица и повелела искать на пепелище сгоревшего дома Свою икону. Девочке долго не верили, но вот 8 июля (по старому стилю), устав от бесплодных хождений по градским властям, мать Матрены сама взяла заступ и нашла на указанном Царицей Небесной месте икону, завернутую в ветхий рукав мужской одежды из вишневого сукна. Лик Пречистой был светел и ясен, словно икона была только что написана.

Казанская икона Божией Матери. Первообраз утерян. Образ торжественно перенесли в приходскую церковь Николы Тульского, настоятелем которой был тогда благочестивый иерей, будущий патриарх Гермоген, погибший от рук поляков за свою верность Православию и причисленный к лику святых. Будущий святитель и составил подробное сказание о чудесах Казанской иконы Божией Матери. Царь Иван Грозный повелел выстроить на месте обретения иконы женский монастырь на сорок инокинь; отроковица Матрена вместе со своей матерью первыми приняли в новой обители пострижение. В 1594 году здесь был заложен Казанской обширный собор. В обитель делались обильные вклады утварью, образами, ризами; чудотворная икона была обложена царскими дарами — золотом, драгоценными камнями, жемчугом. Спустя два века императрица Екатерина II подарила Казанской новую ризу, главным украшением которой стала бриллиантовая корона, снятая с себя земной властительницей ради Царицы Небесной. В 1798 году для Казанской был заложен, а в 1808 году освящен новый обширный собор, разрушенный вместе со всем Богородицким монастырем уже в 1930-х. Но к тому времени иконы здесь уже не было. Божиим Промыслом явление Казанской иконы знаменовало при царе Иоанне Васильевиче начало многовекового продвижения России на восток. Через открытое взятием Казани окно в Азию Православие просветило всю Сибирь и дошло, вместе с государством Российским, до берегов Тихого океана. Как будто на всем этом движении лежало особое благословение Пречистой чрез Казанскую Ее икону. В ночь на 29 июня 1904 года несколько святотатцев-грабителей во главе с некиим В. А. Стояном-Чайкиным забрались в собор, привлеченные драгоценными украшениями ризы. Когда святотатцев поймали, ни ризы, ни самого чудотворного образа при них уже не было. Главный грабитель не раз уверял, будто ризу они распилили и продали ювелирам, а икону бросили в печку, чтобы проверить, в самом ли деле она чудотворная. Было это в доме купца Шевлягина в Академической слободке Казани. Многолетнее следствие и сопоставление противоречивых показаний святотатцев тогда ни к чему не привело. Говорили, будто икона в действительности была куплена Шевлягиным, после революции уехавшим в Англию и продавшим ее там в частные руки. В 1960-х на Западе действительно появилась Казанская икона в драгоценной ризе. Образ этот оказался мастерски исполненным уже в XX столетии списком; но вот риза на нем, судя по всем свидетельствам, подлинная — та самая, что была на пропавшей в 1904 году чудотворной. Православные американцы пытались было выкупить этот образ, он даже выставлялся для молебна в бостонском православном храме, где его видели тысячи людей, но собрать средства не удалось. В итоге эта Казанская вместе с украшающей ее ризой была куплена в 1970 году католиками, долгое время хранилась в португальском городе Фатима, а с 1982 года находится в Ватикане. Но если так, если не была распилена подлинная риза, то мог сохраниться и первый чудотворный образ Казанской, во что верили и продолжают верить тысячи православных людей. Кто знает, о чем думал Чайкин, многие годы медленно угасавший в одиночной камере Шлиссельбурга, о чем он лгал, а о чем говорил правду? Трудно представить себе злодейство более страшное, нежели сожжение в печи образа, к которому веками припадали мириады паломников, к которому обращались самые горячие мольбы всей России… Доподлинно же известно другое. Все время, пока образ Казанской красовался в соборе Богородицкого монастыря, России ничто не угрожало с востока. А как только пропала Заступница, страну постигло поражение в Русско-японской войне 1905 года, которая стала одним из первых ударов, за двенадцать последующих лет расшатавших и разрушивших великую империю. Но любые смутные времена по милости Божией кончаются. Кончилась та смута, кончится и нынешняя, и, быть может, чудотворная еще вернется к нам. Когда пресеклась благочестивая династия Рюриковичей, наступило междуцарствие, сопровождавшееся насилиями, расхищением казны, распадом государственности и многими иными бедами. И когда, уповая на Господа и молитвы Его Матери, русские люди взялись спасать Россию, то земская рать несла с собой список с иконы Казанской Богородицы. 22 октября 1612 года православное воинство вошло в Московский Кремль, и этот день также посвящен Казанской иконе. Устрашенные ополчением Минина и Пожарского, поляки бежали из Москвы. В первый же воскресный день земская рать и все обитатели столицы совершили торжественный крестный ход на Лобное место с Казанской иконой, в чьей чудотворной силе они убедились воочию. Для нее и был выстроен на Красной площади Казанский собор. По размеру московская Казанская заметно меньше пребывавшего в Казани образа. Когда в 1930 году был закрыт только что отреставрированный П. Д. Барановским на средства прихожан собор на Красной площади (в 1936-м его разрушат), эту Казанскую перенесли в ставший кафедральным собором града Москвы храм Богоявления в Дорогомилове, у Киевского вокзала (после осквернения храма Христа Спасителя еретиками-обновленцами). Но и он к концу 1930-х был закрыт и снесен, после чего следы этой Казанской затерялись в музейных запасниках.

Богоявленский Кафедральный Собор в Елохово А когда после Великой Отечественной войны патриаршим собором был сделан тоже Богоявленский храм, что в Елохове, то благочестивые христиане принесли туда еще один список с Казанской, пребывающий там и поныне. Предание гласит, что и он тоже сопровождал ополчение 1612 года, но то был не чудотворный образ из собора на Красной площади. Поэтому когда этот собор был воссоздан, образ Казанской для него заново написали мастера-реставраторы Центра имени Грабаря. И не умолкают перед ним слова народной молитвы…

Чудотворный образ Казанской иконы Божией Матери в Елоховском соборе в Москве Несомненно промыслительной стала судьба третьего по времени обретения чудотворного образа Казанской — петербургского. Он появился в северной столице в 1710-х и был, скорее всего, привезен на берега Невы благочестивой царицей Параскевой Федоровной, вдовой царя Иоанна Алексеевича. Уже в 1730-х петербургская Казанская неоднократно совершала многообразные чудеса и стала заветнейшей и любимейшей святынею града святого Петра. С 1737 года она пребывала в храме Рождества Богородицы на Невском проспекте; к 1811 году на его месте был выстроен новый Казанский собор. Спустя год разразилась Отечественная война. Когда Александр I назначил главнокомандующим М. И. Кутузова, фельдмаршал перед отъездом в действующую армию специально отправился помолиться в Казанский собор перед чудотворной. Народ взывал к полководцу: «Прогони французов!» Богородица не отвергла возложенного на Нее старым солдатом упования, и фельдмаршал вернулся к Ее образу на вечное упокоение в том же Казанском соборе.

А донские казаки, отбив у французов награбленное теми в московских церквах серебро, поднесли его в дар Казанской — в соборе стоял литой из этого серебра иконостас с надписью: «Усердное приношение Донского войска». Тут же, у величественной колоннады собора, были воздвигнуты монументы М. В. Кутузову и М. Б. Барклаю-де-Толли. 17 марта 1922 года этот иконостас был разобран, большевики забрали 129 пудов серебра и более 37 фунтов золота; в конце 1922 года были отобраны и проданы за границу и украшения с самой Казанской иконы. Спустя год, в 1923-м, обновленцы, умевшие выпрашивать у безбожных властей самые обширные и величественные храмы, захватили и Казанский собор. Но чудотворная была спасена от них, оказавшись сначала в церкви на Смоленском кладбище Васильевского острова, а с 1940-го — у правого клироса Князь-Владимирского собора на Петроградской стороне, где пребывает и по сей день.

Пропись Казанской иконы Божией Матери Эта икона московского письма конца XVI столетия, близкая по времени к первому образу из Казани, явила в годы Великой Отечественной войны еще одно чудо. Престарелый митрополит Гор Ливанских Илия Салиб имел видение, в котором Богородица повелела ему передать кремлевским властителям Свою волю: обойти с чудотворным образом Казанской иконы окруженные фашистами города. По преданию, перепуганные военными неудачами властители-богоборцы не посмели перечить. Доподлинно известно, что когда в 1947 году Илия Салиб посетил город на Неве, его по указанию властей встречали с поистине царскими почестями (многие из горожан решили по обилию машин и стражи, что к ним приехал Сталин), а самой Казанской иконе этот благочестивый восточный архиерей подарил новый золотой венчик.

Вид на Казанский собор в С.-Петербурге Давно уже возвращен Церкви и Казанский собор на Невском, но вернется ли туда чудотворная, зависит лишь от воли Самой Царицы Небесной. Общецерковным почитанием пользуются еще несколько списков Казанской: Богородско-Уфимская, Высочинская, Вышенская, Вязниковская, Каплуновская, Нижнеломовская, Тамбовская, Тобольская, Ярославская; местночтимых же Казанских по русским градам и весям, по приходам и семьям православных христиан такое множество, что и не перечислить. Надежда Дмитриева Из книги "О Тебе радуется!"

Тропарь, глас 4 Заступница усердная, Мати Господа Вышняго! За всех молиши Сына Твоего, Христа Бога нашего, и всем твориши спастися, в державный Твой покров прибегающим. Всех нас заступи, о Госпоже, Царице и Владычице, иже в напастех, и в скорбех, и в болезнех обремененных грехи многими, предстоящих и молящихся Тебе умиленною душею и сокрушенным сердцем пред пречистым Твоим образом со слезами, и невозвратно надежду имущих на Тя, избавления всех зол, всем полезная даруй, и вся спаси, Богородице Дево: Ты бо еси Божественный Покров рабом Твоим. Молитва О Пресвятая Госпоже Владычице Богородице! Со страхом, верою и любовию припадающе пред честною иконою Твоею, молим Тя: не отврати лица Твоего от прибегающих к Тебе, умоли, милосердая Мати, Сына Твоего и Бога нашего, Господа Иисуса Христа, да сохранит мирну страну нашу, Церковь Свою Святую да незыблему соблюдет от неверия, ересей и раскола. Не имамы бо иныя помощи, не имамы иныя надежды, разве Тебе, Пречистая Дево: Ты еси всесильная христиан Помощница и Заступница. Избави всех, с верою Тебе молящихся, от падений греховных, от навета злых человек, от всяких искушений, скорбей, бед и от напрасныя смерти: даруй нам дух сокрушения, смирение сердца, чистоту помышлений, исправление греховныя жизни и оставление прегрешений, да вси благодарне воспевающе величия Твоя, сподобимся Небеснаго Царствия и тамо со всеми святыми прославим пречестное и великолепое имя Отца и Сына и Святаго Духа. Аминь.

Казанская икона Божией Матери. История обретения чудотворного образа

АКАФИСТ ПРЕСВЯТОЙ БОГОРОДИЦЕ ПРЕД ИКОНОЙ «КАЗАНСКАЯ» Кондак 1 Избра́нной от всех родо́в Засту́пнице ро́да христиа́нскаго, покро́вом Своея́ бла́гости покрыва́ющей страну́ на́шу правосла́вную, благода́рственная пе́ния прино́сим Ти, Богоро́дице, о явле́нии чу́дныя Твоея́ ико́ны. Ты же, я́ко Всеми́лостивая, всех притека́ющих к Тебе́ Помо́щнице, заступа́й нас во всех ско́рбех и ну́ждах, беда́х и напа́стех, да зове́м Ти: Ра́дуйся, Засту́пнице усе́рдная ро́да христиа́нскаго. Икос 1 А́нгел предста́тель по́слан бысть рещи́ Богоро́дице «Ра́дуйся», егда́ Бог Сло́во воплоща́шеся во утро́бе Ея́: и мы, гре́шнии, прославля́юще явле́ние чу́дныя Ея́ ико́ны и Боже́ственнаго Младе́нца Спа́са Христа́, со умиле́нием вопие́м Благода́тней: Ра́дуйся, Богоизбра́нная Отрокови́це; Ра́дуйся, Ма́ти Бо́жия. Ра́дуйся, Цари́це Небесе́ и земли́; Ра́дуйся, све́тлое Це́ркве Небе́сныя и земны́я украше́ние. Ра́дуйся, А́нгелы чти́мая; Ра́дуйся, пева́емая от Серафи́м. Ра́дуйся, све́тлое проро́ческое сбытие́; Ра́дуйся, апо́столов похвало́. Ра́дуйся, му́ченическое испове́дание; Ра́дуйся, преподо́бных ве́нче. Ра́дуйся, пра́ведных весе́лие; Ра́дуйся, гре́шных упова́ние. Ра́дуйся, Засту́пнице усе́рдная ро́да христиа́нскаго. Кондак 2 Ви́дящи, Всенепоро́чная, с высоты́ Небе́снаго жили́ща Своего́, иде́же с Сы́ном Твои́м в сла́ве пребыва́еши, скорбь рабо́в Твои́х в новопросвеще́ннем гра́де, я́ко гне́внаго ра́ди Бо́жия посеще́ния ве́ра Христо́ва поруга́ема быва́ет ага́рянским злове́рием, благоволи́ла еси́ яви́ти ико́ну Свою́, чудесы́ ю прославля́ющи, да утвержда́емии зна́меньми Твоея́ благода́ти, христолюби́вии лю́дие ве́рно вопию́т Бо́гу: Аллилу́иа. Икос 2 Разуме́ние трикра́тнаго явле́ния Богома́тере му́драя отрокови́ца и́щущи, тече́ ко власте́м, пове́дающи им ди́вное явле́ние и гро́зное преще́ние: мы же дивя́щеся свы́ше да́нному отрокови́це вразумле́нию, благогове́йно вопие́м к Преблагослове́нней: Ра́дуйся, устна́ми чи́стыми хвалу́ Бо́гови соверша́ющая; Ра́дуйся, та́йны благода́ти Бо́жия ве́рным открыва́ющая. Ра́дуйся, неве́рных сумни́тельное слы́шание. Ра́дуйся, ве́рных изве́стная похвало́; Ра́дуйся, мо́лние, неве́рных устраша́ющая. Ра́дуйся, сла́вою чуде́с Твои́х ве́рных ра́зум озаря́ющая; Ра́дуйся, ага́рянскаго злове́рия обличе́ние. Ра́дуйся, горды́ни их низложе́ние; Ра́дуйся, ве́ры христиа́нския утвержде́ние. Ра́дуйся, почита́ния святы́х ико́н освяще́ние; Ра́дуйся, скорбь на́шу в ра́дость претворя́ющая. Ра́дуйся, несумне́нною наде́ждою нас увеселя́ющая. Ра́дуйся, Засту́пнице усе́рдная ро́да христиа́нскаго. Кондак 3 Си́ла Вы́шняго благода́тию Богома́тере умудри́ и укрепи́ отрокови́цу к иска́нию многоце́ннаго Бо́жия да́ра, и та, с ве́рою дерза́ющи о Го́споде, приступи́ к труду́ и, скры́тое в земли́ обре́тши сокро́вище святы́я ико́ны Богома́тери, ра́достно возопи́ к Бо́гу: Аллилу́иа. Икос 3 Име́ющи благоутро́бное промышле́ние о новопросвеще́нных лю́дех гра́да Каза́ни, от пречестны́я Твоея́ ико́ны то́ки чуде́с источи́ла еси́, Влады́чице, слепы́м теле́сныма очи́ма зре́ние подава́ющи, омраче́нных же душе́вно све́том богопозна́ния и благоче́стия озаря́ющи, де́вствующим под осене́нием Твоея́ ико́ны приста́нище небу́рное да́рующи. Сего́ ра́ди зове́м Ти: Ра́дуйся, явле́нием ико́ны Твоея́ тьму лю́тых обстоя́ний отгоня́ющая; Ра́дуйся, луча́ми чуде́с всех просвеща́ющая. Ра́дуйся, слепы́х прозре́ние; Ра́дуйся, омраче́нных смы́слом просвеще́ние. Ра́дуйся, сла́во Правосла́вия; Ра́дуйся, ти́хое приста́нище и́щущих спасе́ния. Ра́дуйся, Ма́ти целому́дрия; Ра́дуйся, покро́ве и огражде́ние де́вства. Ра́дуйся, Е́юже ликовству́ет все мно́жество ве́рных; Ра́дуйся, Ея́же ра́ди рыда́ет де́монское по́лчище. Ра́дуйся, всех христиа́н вожделе́нная Помо́щнице; Ра́дуйся, всех скорбя́щих Ра́досте. Ра́дуйся, Засту́пнице усе́рдная ро́да христиа́нскаго. Кондак 4 Бу́рю смяте́ний и крамо́лы врага́ми воздви́гнутую в стране́ на́шей утоли́ти тща́щься блаже́нный Ермоге́н, списа́тель чуде́с Твоея́, Богома́ти, ико́ны, сле́зно пред не́ю моля́шеся и, ви́дев, я́ко во́инству правосла́вному в щит и побе́дное зна́мение Твоя́ ико́на дарова́ся, ве́рою укрепля́емый до конца́ живота́ своего́, вопия́ше Бо́гу: Аллилу́иа. Икос 4 Слы́шавше правосла́внии во́ини открове́нную Преподо́бным Се́ргием святи́телю Арсе́нию та́йну, я́ко предста́тельством Богома́тере суд об Оте́честве на́шем преложе́н на ми́лость, ико́ну Богома́терню, я́ко зна́мя побе́дное, прии́мше, исхити́ша ма́терь градо́в ру́сских из рук супоста́т и возопи́ша Засту́пнице христиа́н: Ра́дуйся, Ма́ти Бо́га Вы́шняго; Ра́дуйся, я́ко за всех мо́лиши Сы́на Твоего́, Христа́ Бо́га на́шего. Ра́дуйся, я́ко всем твори́ши спасти́ся в держа́вный Твой покро́в прибега́ющим; Ра́дуйся, Засту́пнице всех су́щих в ско́рбех и боле́знех. Ра́дуйся, всем моля́щимся сокруше́нным се́рдцем пред пречи́стым Твои́м о́бразом поле́зная да́рующая; Ра́дуйся, избавле́ние зол всем, невозвра́тно наде́жду иму́щим на Тя. Ра́дуйся, ти́хое и до́брое приста́нище; Ра́дуйся, ско́рая Помо́щнице. Ра́дуйся, гото́вый и те́плый покро́ве спасе́ния; Ра́дуйся, источа́ющая нам неоску́дныя ми́лости. Ра́дуйся, предваря́ющая на по́мощь; Ра́дуйся, избавля́ющая от всех бед. Ра́дуйся, Засту́пнице усе́рдная ро́да христиа́нскаго. Кондак 5 Боготе́чная звезда́ яви́ся Твоя́, Богома́ти, ико́на, всю страну́ Росси́йскую обтека́ющая, луча́ми чуде́с Твои́х осиява́ющая всех блужда́ющих по мо́рю стра́стнаго жития́, мрак печа́лей и мглу вся́ких неду́г и скорбе́й прогоня́ющая и наставля́ющая на путь спасе́ния с ве́рою к Тебе́ притека́ющих и вопию́щих к Бо́гу: Аллилу́иа. Икос 5 Ви́дев царь Петр, я́ко от святы́я ико́ны Богома́терни благода́тию Бо́жиею содева́ются мно́гия чудеса́, прие́млет ю в путеводи́тельницу во́инству своему́ и в день бра́ни на све́ев в щит и покро́в, и победи́в до конца́ врага́ с по́мощию Богома́тере, тем ка́мень соверше́нный во основа́ние но́ваго ца́рствующего гра́да положи́, ико́ну же Твою́ чу́дную, я́ко освяще́ние, я́ко щит и огражде́ние, в се́рдце гра́да поста́ви. Сего́ ра́ди вопие́м Пречи́стей: Ра́дуйся, жили́ще и до́ме Христа́ Бо́га на́шего; Ра́дуйся, вмести́лище неизре́ченныя Его́ сла́вы. Ра́дуйся, гра́де одушевле́нный, при́сно ца́рствующий; Ра́дуйся, пала́то преукраше́нная. Ра́дуйся, Ра́досте градо́в и ве́сей; Ра́дуйся, непобеди́мое христиа́н в беда́х храни́лище и предгра́дие. Ра́дуйся, Це́ркве Правосла́вныя похвало́; Ра́дуйся, Ру́сской земли́ утвержде́ние. Ра́дуйся, христолюби́ваго во́инства Помо́щнице; Ра́дуйся, враго́в одоле́ние. Ра́дуйся, от бед избавле́ние; Ра́дуйся, Ма́терними Твои́ми щедро́тами всех посеща́ющая. Ра́дуйся, Засту́пнице усе́рдная ро́да христиа́нскаго. Кондак 6 Предстоя́ще пред пречи́стым Твои́м о́бразом архиере́ев сосло́вии и вси лю́дие, мона́си и мирсти́и, пропове́дуют, Госпоже́ Богороди́тельнице, вели́кия Твоя́ ми́лости, я́ко гра́ды огражда́еши, оби́тели покрыва́еши, ве́си защища́еши, и, ве́дуще Тя вои́стинну Помо́щницу си́льну и непобеди́му, со слеза́ми прино́сят Ти моли́твы, да простре́ши к Сы́ну Твоему́ Богоно́сныя ру́ки за лю́ди Твоя́, во е́же изба́вити нас от всех бед и напа́стей, да благода́рне вопие́м Бо́гу: Аллилу́иа. Икос 6 Возсия́вши просвеще́ние и́стинное и отгна́вши дре́вле лесть ага́рянскую во новопросвеще́нней стране́ Казанской, ны́не во всех гра́дех росси́йских све́тиши све́том чуде́с и ми́лостей: притека́ющий бо с ве́рою ко Твое́й иконе цельбоно́сней скорбе́й избавле́ние, неду́гов исцеле́ние и ра́дости вся́кия исполне́ния прие́млют, вопию́ще Тебе́ усе́рдно: Ра́дуйся, неистощи́мый исто́чниче святы́ни; Ра́дуйся, многотеку́щая реко́ Боже́ственная благода́ти. Ра́дуйся, гре́шных с Бо́гом примире́ние; Ра́дуйся, грехо́в на́ших очище́ние. Ра́дуйся, благоче́стия Наста́внице; Ра́дуйся, в до́брых де́лех утвержде́ние и по́моще. Ра́дуйся, до́брыя обе́ты прие́млющая; Ра́дуйся, благи́м наме́рением спосо́бствующая. Ра́дуйся, злы́я начина́ния разруша́ющая; Ра́дуйся, вра́жия ко́зни расторга́ющая. Ра́дуйся, ско́рая челове́ком Помо́щнице; Ра́дуйся, ми́лость сугу́бо нам подаю́щая. Ра́дуйся, Засту́пнице усе́рдная ро́да христиа́нскаго. Кондак 7 Хотя́щу наро́ду правосла́вному испове́дати ми́лости Преблагослове́нныя Цари́цы Не́ба и земли́ и по си́ле благода́рственная принести́ о избавле́нии его́ от наше́ствия иноплеме́нных, ди́вному хра́му, созда́нному в честь пречу́дныя ико́ны, побе́дная в дар принесе́, да вси па́мятующе ми́лость Богома́тере, спа́сшия град сей и страну́, вы́ну воспева́ют Бо́гу благода́рными усты́: Аллилу́иа. Икос 7 Сто́льному гра́ду Росси́и свята́я ико́на Твоя́, Богома́ти, вои́стинну яви́ся блага́я Одиги́трия, я́коже дре́вле Царегра́ду: к Тебе́ бо прибега́ют лю́дие, по́мощи Твоея́ на нача́ло пути́ и дел свои́х прося́ще и благода́рственная принося́ще моле́ния пред пречи́стою ико́ною Твое́ю за избавле́ние от скорбе́й и напа́стей, Тебе́ Помо́щницу и Засту́пницу кре́пкую ве́дают. Те́мже благода́рственно вопие́м Ти: Ра́дуйся, Росси́йския страны́ покро́ве; Ра́дуйся, Правосла́вия в ней огражде́ние и утвержде́ние. Ра́дуйся, несокруши́мый щи́те во́инов на́ших; Ра́дуйся, броне́ их неуязви́мая. Ра́дуйся, ко́зни враго́в облича́ющая; Ра́дуйся, я́ко паучи́ну их растерза́ющая. Ра́дуйся, нече́стия обличе́ние; Ра́дуйся, крамо́лы разруше́ние. Ра́дуйся, ю́ных от заблужде́ний исправле́ние; Ра́дуйся, ста́рцев утеше́ние. Ра́дуйся, душевре́дных уче́ний низложе́ние; Ра́дуйся, душеполе́зных зна́ний дарова́ние. Ра́дуйся, Засту́пнице усе́рдная ро́да христиа́нскаго. Кондак 8 Стра́нно и сумни́тельно неве́рующим слу́шати, ка́ко от ико́ны Твоея́ то́ки благода́ти истека́ют, воня́ живо́тная благоуха́ет: мы же, ве́рующе сло́ву, рече́нному Тобо́й, Влады́чице, к первонапи́санней иконе: «С тобо́й Моя́ благода́ть и си́ла», упова́ем, я́ко и с се́ю ико́ною благода́ть Твоя́ вы́ну: те́мже благогове́йно предстоя́ще лобыза́ем ю, поклоня́емся ей, я́ко Тебе́ Саме́й су́щей, честь бо ико́ны на первообра́зное восхо́дит, и Твоя́ благода́ть се́ю ико́ною зна́мения и чудеса́ содева́ет всем с ве́рою притека́ющим к Тебе́ и вопию́щим Бо́гу: Аллилу́иа. Икос 8 Вся бы́вши горе́, к Небе́сным взя́та, и земны́х не оставля́еши, Богома́ти, свяще́нным Твои́м предста́тельством: и́маши бо ма́тернее дерзнове́ние ко Христу́ Бо́гу на́шему. Те́мже утверди́ в ми́ре глубо́це правосла́вных житие́ и вся поле́зная всегда́ да́руй рабо́м Твои́м, да велича́юще воспева́ем Ти: Ра́дуйся, Невмести́маго вмести́лище; Ра́дуйся, осене́нная си́лою Вы́шняго. Ра́дуйся, прозя́бшая Клас Небе́сный; Ра́дуйся, мир весь душепа́губнаго гла́да изба́вльшая. Ра́дуйся, вы́ну хода́тайствующая за род наш; Ра́дуйся, я́ко мно́го мо́жет моли́тва Твоя́ пред Сы́ном Твои́м и Бо́гом. Ра́дуйся, всех нас при Кресте́ Сы́на Твоего́ усынови́вшая; Ра́дуйся, всегда́ Ма́тернюю любо́вь к нам явля́ющая. Ра́дуйся, Хода́таице ве́чных благ; Ра́дуйся, и во вре́менней жи́зни поле́зная нам подаю́щая. Ра́дуйся, изве́стное прибе́жище на́ше во всех ско́рбных обстоя́ниих; Ра́дуйся, несомне́нное утеше́ние в печа́лех. Ра́дуйся, Засту́пнице усе́рдная ро́да христиа́нскаго. Кондак 9 Вся́каго естества́ а́нгельскаго превы́шшая яви́лася еси́, Пресвята́я Де́во: Бо́га бо зачала́ еси́ пло́тию, Невмести́маго все́ми вмести́ла еси́ во утро́бе Твое́й, на рука́х носи́ла еси́ Нося́щаго весь мир дла́нию: те́мже, я́ко Честне́йшую Херуви́м и Сла́внейшую без сравне́ния Серафи́м велича́юще Тя, вопие́м о Тебе́ Бо́гу: Аллилу́иа. Икос 9 Вити́я многовеща́нныя, я́ко ры́бы безгла́сныя, ви́дим о Тебе́, Богоро́дице: недоуме́ет бо всяк язы́к благохвали́ти Тя по достоя́нию, изумева́ет ум пе́ти Тя, Богоро́дице; оба́че Блага́я су́щи, приими́ и от нас арха́нгельский глас, Тебе́ вопию́щих: Ра́дуйся, Благода́тная; Ра́дуйся, я́ко Госпо́дь с Тобо́ю. Ра́дуйся, Благослове́нная в жена́х; Ра́дуйся, обре́тшая благода́ть у Бо́га. Ра́дуйся, роди́вшая Спаси́теля ми́ру; Ра́дуйся, Ма́ти Сы́на Бо́жия. Ра́дуйся, Роди́тельнице Ве́чнаго Царя́; Ра́дуйся, израсти́вшая нам плод живота́. Ра́дуйся, освяще́нная Ду́хом Святы́м; Ра́дуйся, осене́нная си́лою Всевы́шняго. Ра́дуйся, ве́рная Рабо́ Госпо́дня; Ра́дуйся, я́ко Тя блажа́т вси ро́ди. Ра́дуйся, Засту́пнице усе́рдная ро́да христиа́нскаго. Кондак 10 Спасти́ хотя́щи мно́гия от находя́щих зол, скорбе́й и боле́зней, чу́дную ико́ну Твою́, Богома́ти, дарова́ла еси́, ея́же ра́ди слепи́и презира́ют, хроми́и хо́дят, разсла́бленнии возстаю́т, бесну́ющиися исцеля́ются, земли́ плодоно́сие подае́тся, лю́дие от смертоно́сныя я́звы избавля́ются, гра́ды и до́мы от огня́ спаса́ются: те́мже прославля́юще Бо́га, даю́щаго нам таковы́я ми́лости, вопие́м Ему́ усе́рдно: Аллилу́иа. Икос 10 Стена́ еси́, Богоро́дице, стране́ Росси́йстей, гра́дом огражде́ние и сла́ва, правосла́вному во́инству на враги́ укрепле́ние. Те́мже, благодаря́ще Тя, вопие́м: Ра́дуйся, прославля́ющих Тя прославля́ющая; Ра́дуйся, не чту́щих Тя посрамля́ющая. Ра́дуйся, враго́в устраше́ние; Ра́дуйся, от наше́ствия иноплеме́нных избавле́ние. Ра́дуйся, во́инов кре́посте; Ра́дуйся, в дни бра́ни забра́ло и огражде́ние. Ра́дуйся, в дни ми́ра живоно́сный са́де, увеселя́ющий сердца́ ве́рных; Ра́дуйся, ору́жие, его́же трепе́щут де́мони. Ра́дуйся, спаси́тельный еле́й, умаща́ющий грехо́вныя ра́ны ка́ющихся; Ра́дуйся, те́плое на́ше упова́ние. Ра́дуйся, несумне́нная на́ша Наде́ждо; Ра́дуйся, ти́хое и до́брое приста́нище. Ра́дуйся, Засту́пнице усе́рдная ро́да христиа́нскаго. Кондак 11 Пе́ние хвале́бное и благода́рственное прино́сят Тебе́, Влады́чице, припа́дающе ко иконе Твое́й и любе́зно лобыза́юще ю, дев ли́цы, под держа́вным покро́вом Твои́м ти́хое и ми́рное и́ноческое житие́ провожда́ющии, и возложи́вше на Тя все упова́ние, ра́достно вопию́т Бо́гу: Аллилу́иа. Икос 11 Я́ко светоприе́мную свещу́, зрим Твою́ честну́ю ико́ну, Пресвята́я Влады́чице: та бо невеще́ственный огнь благода́ти Твоея́ восприе́мши, и в подо́биих ея́ но́вы возжига́ет свети́льники, прича́стны тоя́жде си́лы благода́тныя, и озаря́ет чудесы́, наставля́ющи на путь спасе́ния всех вопию́щих Ти си́це: Ра́дуйся, Неве́сто Неневе́стная; Ра́дуйся, Богоизбра́нная Отрокови́це, Ма́ти Де́во. Ра́дуйся, до́брая Наста́внице непоро́чнаго де́вства; Ра́дуйся, Храни́тельнице ревну́ющих о чистоте́. Ра́дуйся, жен похвало́; Ра́дуйся, дев велича́ние. Ра́дуйся, вдов заступле́ние; Ра́дуйся, сиро́т призре́ние. Ра́дуйся, ни́щих Пита́тельнице; Ра́дуйся, наги́х одея́ние. Ра́дуйся, печа́льных утеше́ние; Ра́дуйся, скорбя́щих весе́лие. Ра́дуйся, Засту́пнице усе́рдная ро́да христиа́нскаго. Кондак 12 Благода́ть да́ти восхоте́вши почита́ющим Тя с любо́вию, Богороди́тельнице, прису́щего Ти си́лу благода́тную оста́вила еси́ во святы́х Твои́х ико́нах, и́бо Боже́ственная благода́ть, спребыва́ющи тем (ико́нам), зна́мения и чудеса́ вы́ну содева́ет и душе́вных и теле́сных неду́г исцеле́ние всем с ве́рою приходя́щим подае́т Твои́ми Богома́терними непреста́нными к Бо́гу моли́твами о вопию́щих Ему́: Аллилу́иа. Икос 12 Пою́ще Твоя́ чудеса́, бы́вшая в дре́вняя и настоя́щая времена́, хва́лим Тя, я́ко Живоно́сный Исто́чник благода́ти, я́ко неистощи́мую ре́ку чуде́с, я́ко бе́здну ми́лости и щедро́т, и все упова́ние по Бо́зе возлага́юще на Тя и в сей и в бу́дущей жи́зни, прославля́юще Тя, вопие́м: Ра́дуйся, христиа́н непосты́дное упова́ние; Ра́дуйся, ве́рных спаси́тельное прибе́жище. Ра́дуйся, ненаде́жных наде́яние; Ра́дуйся, отча́янных спасе́ние. Ра́дуйся, ба́не, омыва́ющая со́весть; Ра́дуйся, росо́, оживля́ющая ду́ши. Ра́дуйся, боле́зней врачевство́ ско́рое и безме́здное; Ра́дуйся, от всех бед бы́строе избавле́ние. Ра́дуйся, Уте́шительнице во вся́кой ско́рби; Ра́дуйся, из глубины́ поги́бели спаса́ющая. Ра́дуйся, отра́до в день сме́рти; Ра́дуйся, еди́ная Наде́ждо и по сме́рти. Ра́дуйся, Засту́пнице усе́рдная ро́да христиа́нскаго. Кондак 13 О Всепе́тая Ма́ти, ро́ждшая всех святы́х Святе́йшее Сло́во, приими́ ны́не ма́лое сие́ моле́ние и, вели́чия ра́ди бла́гости Твоея́ и бе́здны щедро́т Твои́х, не помяни́ мно́жества грехо́в на́ших, но испо́лни во благи́х проше́ния на́ша, подава́ющи те́лу здра́вие, ду́ши спасе́ние, избавля́ющи от вся́кия ну́жды и печа́ли и Ца́рствия Небе́снаго насле́дники сотворя́ющи всех ве́рно вопию́щих Бо́гу: Аллилу́иа. (Этот кондак читается трижды.) Икос 1 А́нгел предста́тель по́слан бысть рещи́ Богоро́дице «Ра́дуйся», егда́ Бог Сло́во воплоща́шеся во утро́бе Ея́: и мы, гре́шнии, прославля́юще явле́ние чу́дныя Ея́ ико́ны и Боже́ственнаго Младе́нца Спа́са Христа́, со умиле́нием вопие́м Благода́тней: Ра́дуйся, Богоизбра́нная Отрокови́це; Ра́дуйся, Ма́ти Бо́жия. Ра́дуйся, Цари́це Небесе́ и земли́; Ра́дуйся, све́тлое Це́ркве Небе́сныя и земны́я украше́ние. Ра́дуйся, А́нгелы чти́мая; Ра́дуйся, пева́емая от Серафи́м. Ра́дуйся, све́тлое проро́ческое сбытие́; Ра́дуйся, апо́столов похвало́. Ра́дуйся, му́ченическое испове́дание; Ра́дуйся, преподо́бных ве́нче. Ра́дуйся, пра́ведных весе́лие; Ра́дуйся, гре́шных упова́ние. Ра́дуйся, Засту́пнице усе́рдная ро́да христиа́нскаго. Кондак 1 Избра́нной от всех родо́в Засту́пнице ро́да христиа́нскаго, покро́вом Своея́ бла́гости покрыва́ющей страну́ на́шу правосла́вную, благода́рственная пе́ния прино́сим Ти, Богоро́дице, о явле́нии чу́дныя Твоея́ ико́ны. Ты же, я́ко Всеми́лостивая, всех притека́ющих к Тебе́ Помо́щнице, заступа́й нас во всех ско́рбех и ну́ждах, беда́х и напа́стех, да зове́м Ти: Ра́дуйся, Засту́пнице усе́рдная ро́да христиа́нскаго. Моли́твы Пресвятой Богоро́дице перед Ея́ иконой, именуемой «Казанская» Моли́тва первая О Пресвята́я Госпоже́ Влады́чице Богоро́дице! Со стра́хом, ве́рою и любо́вию припа́дающе пред честно́ю ико́ною Твое́ю, мо́лим Тя: не отврати́ лица́ Твоего́ от прибега́ющих к Тебе́, умоли́ милосе́рдая Ма́ти, Сы́на Твоего́ и Бо́га на́шего, Го́спода Иису́са Христа́, да сохрани́т ми́рну страну́ на́шу, Це́рковь Свою́ Святу́ю да незы́блему соблюде́т от неве́рия, ересе́й и раско́ла. Не и́мамы бо ины́я по́мощи, не и́мамы ины́я наде́жды, ра́зве Тебе́, Пречи́стая Де́во: Ты еси́ Всеси́льная христиа́н Помо́щница и Засту́пница. Изба́ви всех с ве́рою Тебе́ моля́щихся от паде́ний грехо́вных, от наве́та злых челове́к, от вся́ких искуше́ний, скорбе́й, бед и от напра́сныя сме́рти: да́руй нам дух сокруше́ния, смире́ние сердца́, чистоту́ помышле́ний, исправле́ние грехо́вныя жи́зни и оставле́ние прегреше́ний, да вси благода́рне воспева́юще вели́чия Твоя́, сподо́бимся Небе́снаго Ца́рствия и та́мо со все́ми святы́ми просла́вим Пречестно́е и Великоле́пое И́мя Отца́ и Сы́на и Свята́го Ду́ха. Ами́нь. Моли́тва вторая О, Пресвята́я Влады́чице Богоро́дице, Цари́це Небеси́ и земли́, вы́шшая а́нгел и арха́нгел и всея́ тва́ри честне́йшая, чи́стая Де́во Мари́е, ми́ру блага́я Помо́щнице, и всем лю́дем утвержде́ние, и во вся́ких ну́ждах избавле́ние! При́зри и ны́не, Госпоже́ Всеми́лостивая, на рабы́ Твоя́, Тебе́ умиле́нною душе́ю и сокруше́нным се́рдцем моля́щияся, со слеза́ми к Тебе́ припа́дающия и покланя́ющияся пречи́стому и цельбоно́сному о́бразу Твоему́, и по́мощи и заступле́ния Твоего́ прося́щия. О, Всеми́лостивая и Премилосе́рдая Де́во Богоро́дице Чи́стая! Воззри́, Госпоже́, на лю́ди Твоя́: мы бо гре́шнии не и́мамы ины́я по́мощи, ра́зве Тебе́ и от Тебе́ ро́ждшагося Христа́ Бо́га на́шего. Ты еси́ засту́пница и предста́тельница на́ша. Ты еси́ оби́димых защи́щение, скорбя́щим ра́дование, си́рым прибе́жище, вдо́вам храни́тельница, де́вам сла́ва, пла́чущим весе́лие, больны́м посеще́ние, немощны́м исцеле́ние, гре́шным спасе́ние, Сего́ ра́ди, о Богома́ти, к Тебе́ прибега́ем, и на Твой Пречи́стый о́браз с Предве́чным на руку́ Твое́ю держи́мым Младе́нцем, Го́сподем на́шим Иису́сом Христо́м взира́юще, умиле́нное пе́ние Тебе́ прино́сим и вопие́м: поми́луй нас, Ма́ти Бо́жия, и проше́ние на́ше испо́лни, вся бо суть возмо́жна хода́тайству Твоему́: я́ко Тебе́ сла́ва подоба́ет ны́не и при́сно и во ве́ки веко́в. Ами́нь. Велича́ние Велича́ем Тя, Пресвята́я Де́во, Богоизбра́нная Отрокови́це, и чтем о́браз Твой святы́й, и́мже то́чиши исцеле́ния всем с ве́рою притека́ющым. #богородица #икона