Кымбатым апамдын туулган куну бугун

Арзыбаган белегим.
Алтын апам угуп турчу балаңды.
Бир жылмайып ишке салды каламды.
Бүгүнкү күн өзгөчө бир күн белем.
Карасаң бу бактылуу бир адамды.
Бүгүн менин апакемдин майрамы.
Туулган күнү жылда өтчү жайдагы.
Куттуктоолор асыл сөздөр айтылып.
Биздин уйдө күлкү бүгун жайдары.
Ыраазымын апа сизге миңден миң.
Сиз аркылуу дүйнө таанып билгенмин.
Талыкпаган эмгегиңиз аркылуу.
Өнүп өсуп, адам болуп иргелдим.
Азап тартсам көздөн агып ачуу жаш.
Бир өзүңдөй мага эч ким жашыбас.
Балан үчүн жасап жаткан мээнетке.
Бүтүн дүйнө, бүтүн аалам татыбас.
Ар перзенттин балалыгын жыттаган.
Чарчаса да алдей ырын ырдаган.
Бир үшкүрбөй канчалаган азапка.
Чындыгында апа гана чыдаган.
Күлүп жүрчү апакебай ар дайым.
Күлкүңүздөн термелсинчи ак кайын.
Сиз күлгөндө дүйнө кетет өзгөруп.
Себеби сиз кыш чилдеде жаз айым.
Эки кызды бир уулду төрөгөн.
Апа сиздей асыл затты көрбөгөм.
Киши болуп отуз төрткө кирсем да.
Дагы деле жалгыз сизге жөлөнөм.
Туулган күн кут болсун деп апаке.
Бүгүн сизге ыр арнадым мынаке.
Перзентинин түйшүгүнө чыдаган.
Апалардын улуулугу ырас э?!
Көзүм көрсө чачыныздын ак жерин.
Жаным сыздап жашка толот карегим.
Баспаган бир жан болсом да апаке.
Аман болсом сөзсүз тиет керегим.
Биз деп жүрүп кыйналгансыз билемин.
Бул ыр саптар арзыбаган белегим.
Узун өмүр, чың ден-соолук бак таалай.
Апа сизге ушул менин тилегим.