🤲Йә, Раббым, Син безне юктан бар кылдың, иман белән бүләкләдең, безгә сансыз нигъмәтләр бирдең.

Без Синең колларың, без Сиңа мохтаҗ. Йә, Раббым, безне Үзеңнең рәхмәтеңнән аерма.
🤲Йә, Раббым, безнең кылган гыйбадәтләребезне, укыган догаларыбызны, кылган игелекләребезне кабул ит.
Кылган хаталарыбызны, белеп һәм белмичә кылган гөнаһларыбызны гафу ит. Күңелләребезне пакьлә, йөрәкләребезне иман нуры белән тутыр.
🤲Йә, Аллаһ, безгә ныклы иман насыйп ит. Иман белән яшәүне, иман белән үлүне, иман белән Сиңа кайтуны насыйп ит. Йөрәкләребезне туры юлдан тайпылудан сакла. Безне Син яраткан һәм разый булган колларыңнан кыл.
🤲Йә, Раббым, безгә саулык-сәламәтлек бир. Тәннәребезгә шифа, күңелләребезгә тынычлык,тормышыбызга бәрәкәт насыйп ит. Авыруларыбыз булса, шифа бир. Борчуларыбыз булса, җиңеллек бир. Авырлыкларыбыз булса, аларны җиңеләйт.
🤲Йә, Раббым, безнең гаиләләребезгә бәрәкәт бир. Әти-әниләребезне сакла, аларга озын гомер, саулык-сәламәтлек насыйп ит. Әгәр алар бу дөньядан киткән булсалар, аларның каберләрен нур белән тутыр, гөнаһларын гафу ит.
🤲Йә, Аллаһ, туганнарыбызны, дусларыбызны, кардәшләребезне сакла. Безнең
арабызга мәхәббәт, ихласлык һәм татулык сал. Йөрәкләребездән көнчелекне, нәфрәтне, тәкәбберлекне ал.
🤲Йә, Раббым, безгә хәерле ризык насыйп ит. Хәләл ризык белән тукланырга насыйп ит. Эшләребезгә бәрәкәт бир. Кылган хезмәтебезне хәерле ит. Безне мохтаҗлыкта калдырма.
🤲Йә, Аллаһ, безгә туры юлны күрсәт. Гомеребезне изге гамәлләр белән үткәрергә насыйп ит. Безне гөнаһлы эшләрдән, ялгыш юллардан сакла.
🤲Йә, Раббым, күңелләребезне Коръән белән нурландыр. Безгә Коръәнне аңлап укуны, аның белән яшәүне, аның белән гамәл кылуны насыйп ит.
🤲Йә, Аллаһ, кылган догаларыбызны кабул ит. Безне гафу ителгән колларыңнан кыл. Безне җәһәннәм утыннан сакла һәм җәннәтеңә керүчеләрдән ит.
🤲Йә, Раббым, безгә хәерле гомер, хәерле ахыр насыйп ит. Үлемебезне иман белән кыл. Каберебезне нурлы ит. Кыямәт көнендә безне оятка калдырма
🤲Йә, Аллаһ, безгә Синең рәхмәтеңә ирешергә насыйп ит. Безне Үзеңнең сөекле колларың арасында кыл. Безне Пәйгамбәребез ﷺ шәфәгатенә ирештер.
Әәмиин, йәә Рабби-л-гъәәләмиин!