КАВТО КАЗНЕТЬ

Иншкипазось, варматне кодат кежейть иляст уле, допрок а стувтнесамам. ШКАНЬ--ШКАНЬ-ШКАНЬ СОДАВТНЕСАМА. СЮКОНЯН ТЕТЬ, Инешки, седеймарямочить кис. Неть читнекучить тень кавто кецневтиця кулят. Васенценть кучик Кавтазеева Марюш- эрзянь аванть пельде ды Арво Сурвонь, инкеринь содавикс ломаненть пельде. С.ынь кавонест сёрмадсть валморот, ды лангозост музыка.. Арво Сурво кочкась тенст морамонь лув ды морынзе.. Кие марсизе сонзэ, соды: вайгелезэ сонзэ - сырнень, мерить, драмань тенор. Сон ванькс, прок сулика, ды вечкевикс тэ чольдердиця.. Эрзякс ёвтазь, нурькинестэ - кунсолпт кунсоловлить! Эсь шкинемаст Марюш, эрзянь авась совавтызе монь электрононь почтас. Кинь мелезэ кунсоломс, вана пшкалема таркам: evg.cetvergov.@gmail.com Омбоце казнесь, мезесэ казимем Чипазось, Эрюш Вежаень, "Руця" таштамо паргонь прявтонть, валморозо Эйсэнзэ зняро видечи ды валдо эйстэнзэ лисиця нусманячи, валт а сатыть ёвтамс. Абунгавты: кода улезесь невтеви текекс ды, теке марто, лиякс, та-кода седе седейс педицкс, ёжонь сыремтицякс.
Вано омбоце казнесь
МОН ВЕЛВТАН, ВЕЛЯВТАН,
ВЕЛЯВТАН КУДОВ.
МОН ВЕЛЯВТАН ЭСЬ ВЕЛЕВ, ЭРЗЯНЬ МАСТОРОВ,
СЕДЕЙ, ИЛЯ ПЕК ЧАВО,
УЧОНЬ КЕНЯРКСОСЬ САСЬ!
АНСЯК ИКЕЛЕМ ПАКСЯ...
ВЕЛИНЕМ ЁМАСЬ...
КАДОВСТЬ КУДОЮРТНЭ...
СЫНЬ ТИКШЕТНЕС ВАЯСТЬ!!
КАЛМАЗЫРЕНЬ ПИРЯВКСОСЬ
ВАНТА, ЧИРЕМСЬ, КАЛАДСЬ.
АНСЯК ВАРМИНЕСЬ КУВСИ
КАЛМАЗЫРЕНТЬ ВЕЛЬКССЭ...
дЫ ЭРЗЯНЬ СЭРДЯТНЕНЕНЬ,
САСТО КУВСИ. ТЕСЭ.
НЕЙ КИЯК СЫНСТ А МАРИ,
А ЁВТЫ ЭРЗЯНЬ ВАЛ,
АПУТЫ КАЛМОЛАНГОС
ЛЕМЕНЬ КУНДАМО АЛ!.
мОН ЧУМАН ПЕК ИКЕЛЕНК
ЭРЗЯНЬ АТЯТ-СЭРДЯТ.