Къадын ким ола?

Диляра Кадырова
Къадын бу йымшакъ тавшанчыкъ
Я авада учкъан торгъайчыкъ
Я эскен енгиль хафиф рузгяр
Я дуньяны къопаргъан фигъан
Къадын – ана - шефкъатлы,
Тарлада номай богъдай берекетли
Къадын – я джады, я фериште
Я коктен тюшкен меляике
Я тылсымлы ай, я сыджакъ кунеш
Я сёнген комур, я алевли атеш
Я ярыкъ кунь, я къаранлыкъ гедже,
Я гульнинъ сабакъы – индже
Азбарда гуллернинъ къокъусы
Терекнинъ шыралы мевасы
Кузьде титреген япрачыгъ
Отларда аягъынъ сылаткъан чыкъ
Сабада къызаргъан шеффакъы
Акъшам кунеш батмасы
Я айнени, я тюркю нагъмеси
Узакътан эшитильген чанъ сеси
Я къутургъан сель, я юваш далгъа
Кимни сабадан уятсанъ – о ола