(Бир шингил кайфият, хазил шеър)

ЭР - ХОТИН
Тонгда бошлаб арзу додин,
Эр қулоғин чархлар хотин :
- Хой дадаси, анави йўқ,
Қаранг, уйда манави йўқ !
Томоқ қириб, эр хам бошлар,
Соч қолмаган бошин қашлар :
- Йўқ йўқларинг тугарми, ҳеч,
Ҳечдан кўнглинг тўярми, ҳеч..?
- Сизга қолса кўринмасам,
Соқов бўлиб гапирмасам,
Каму-кўстим, сўрамайсиз.
Хеч кўнглимга қарамайсиз.
- Билмабманда хотин, аттанг,
Айтмадида амма, холанг.
Билганимда ўйланардим,
Бир соқавга уйланардим !
- Мен хам ял-ял кийсам дейман,
Ёшлигимдек юрсам, дейман.
Қош кўзларим сўлиб қолди,
Армонларим тўлиб қолди !
- Хой, ўзингдан кетма хотин,
Қирқдан кейин хамма ўтин.
Эрта тонгдан жаврамагин,
Бир ғурбатни бошламагин !
- Уйлангунча хоним эдим,
Тилингизда жоним эдим.
Не десанг "хўп", дегандингиз,
Ваъдаларни бергандингиз !
- Ёшиликни кўп эслатмагин,
Армонимни қўзғатмагин.
Ёшлигимга қайтсам эдим,
Сенга совчи қўймас эдим !
- Шўрим қурсин, мен бечора,
Асли менман, шўр пешона.
Сизда армон бор эканда,
Ўзгасига зор эканда !
- Уйланардим гулойимга,
Тили ширин мулойимга.
Тонг сахардан жаврамасди,
Қулоғимни кавламасди !
- Хали битта гулойим, денг...
Супиргидек мулойим, денг..
Ким экан у, сочи пахмоқ..?
**** қолмасин мендан тўқмоқ !
Бир зумгина жимлик чўқди,
Эру хотин ўйга чўкди.
Икки юрак дук-дук уриб,
Икки томон кетди юриб !
Узоқ эмас бу аразлар,
Бир-бирини, кўзлар излар.
Секингина хотин келиб,
Гап бошлади, лабин буриб :
- Шу гапингиз ростми эржон..?
Бағрим ўяр энди гумон,
Кимга совчи қўярдингиз..?
Наҳот мендан кечардингиз..?
- Гап келганда гапирдимда,
Ёшлигимни эсладимда.
Мен ҳам битта йигит эдим,
Сулувларга суюк эдим !
- Бир эркалик қилдим эржон
Қўйинг ёшлик экан ёмон.
Ортга қайтмай қўяқолинг,
Ёнгинамда қолақолинг !
- Жон десанг жон узилади,
Кўнглим дарров бузилади.
Ўзингдан йўқ ўзга ёрим,
Ўргилайин хотинжоним !
Эру хотин битта жондир,
Жон сўзига дил қурбондир.
Майла тонгдан жавраса ҳам,
Кейин келиб авраса ҳам !
Рўзғор ками бўлса, бўлар,
Бир кун озроқ, бир кун тўлар.
Фақат кўзлар адашмасин,
Меҳр қопи бўшамасин !!!
.................
Гул Баҳор.
Москва. 04.09.2019.