БАҲОРЛАРДА...

Меҳр, муҳаббат-ла яшайлик,
Эй, азизлар бу диёрларда.
Шодон кулиб, дийдорлашайлик,
Баҳорларда, гулбаҳорларда.
Новдалардан куртак унаркан,
Баҳорни ҳис этган чоғларда.
Капалак ҳам гулга қўнаркан,
Баҳорларда, гулбаҳорларда.
Дарё бўйлаб сузар булутлар,
Макон топар сўнгра тоғларда.
Гўзаллашар барча ҳудудлар,
Баҳорларда, гулбаҳорларда.
Баҳор - ажиб, гўзал ва кўркам,
Сувлар оқар тўлиб анҳорда.
Сайр этайлик, келгин, эй эркам,
Баҳорларда, гулбаҳорларда!..
15-март 2013-йил (Хужанд Шаҳри)