O'zbekiston Respublikasi 1-Prezidenti Islom Karimovga

Ketdim...ketganimni aytmang g'animga,
Tayyor u tig'ini sanchmoqqa ortdan.
Bir boqib qo'yingiz ona zaminga,
Marra sizlarniki,men tushdim otdan.
Ketdim...ketganimni aytmang osmonga,
Hali kuz yomg'irni qumsamas,axir.
Jonga oro kirmas osmon-u falak,
Tuproq bir taxir,tuproq bir taxir.
Ketdim...ketganimni aytmang qushlarga,
Ularning bahorda qaytmoqlari bor.
Men mangu qolaman kirib tushlarga,
Maysa orzularim aytmoqlari bor.
Ketdim...ketganimni aytmang birovga,
Xalqim bir sodda,xalqim jonkuyar.
Nomarddan qo'rqmangiz,tik boqing yovga,
Mardlarni ming yillar odamlar suyar.
Ketdim...ketganimni bilmasin dunyo,
Egamning oldida aytaman kalom.
Ketganim bu olam bilmaydi aslo,
Chunki men tirikman abadiy mudom!..
Ketdim...ketganimni bilmasin dunyo...