დაპირებულ სიტყვებს ნუღარ უარყოფ,

შენზე ფიქრით მოლოდინიც დავღალე,
რომ მითხარი... უსათუოდ მოვალო,
ეს შეხვედრა დროში რატომ დამალე...
სიყვარულსაც ნდობა... უკვე წაერთვა
და ტკივილიც გულთან გავაზიარე,
ახლა მოხვალ... როცა სულში შემცივდა?..
აღარა ღირს, უკვე - დააგვიანე.
გრძნობით თამაშს ვერ ამოშლის გონება,
მომავალსაც ჩამოტოვებს ზამთარი,
დღეიდან მეც გეუბნები - მშვიდობით!..
და ეს სიტყვაც უკვე არის გამწყდარი.