Әти- кирәк.

Әтисез үскән ир бала,
Ятим булып ул кала.
Әтисе дә, әнисе дә,
Икесе кирәк аңа.
Әнкәсенең бишек җыры,
Тирбәтә дә йоклата.
Әткәсенең көчле кулы,
Иркәли дә юата.
Әнисенең җылысына
Бала сыенып үсә.
Кыенлыклар урап уза,
Әти янында булса.
Ул яклаучы, ул саклаучы,
Гомер юлында терәк.
Үсеп килгән ир балага,
Әти кеше бик кирәк.
Ачык йөзле, туры сүзле
Йомшак әти күңеле.
Киң колачын җәеп килсә,
Шул,зур бәхет- түгелме?!
Лилия Ф. Гиматдинова-Хисамова
Оренбург шәһәре 2017 ел.