«ТЕРЧЫ НОКТЮРН»

Сусæг уыд Терчы был, стъалытæ - ирд,
Мæйрухсмæ фидыдта Штыбайы хид…
Бамыр и алцы 'мæ бамыр дæн æз,
Райхъуыст мелодия аргъауы хуыз…
Дардæй, кæцæйдæр нæм, уый цыма уад,
Диссаг æхсæрдзæнæй ам цыма калд
'Цæг цыма базыдта уды æвзаг,
Талас æнкъарæнтæй зæрдæ уыд дзаг…
Стъалытæ мæйимæ мемæ хъуыстой,
Аргъауау зæлтæ нæ иумæ уызтой
'Мæ цыма уым цыдæр сусæг зыдтой,
Дардмæ кæдæмдæр-нæ семæ хуыдтой…