Баргузории Рӯзҳои фарҳанги Тоҷикистон дар Қатар

Аз 6 то 13 феврал Рӯзҳои фарҳанги Тоҷикистон дар Давлати Қатар баргузор мегарданд.
Аз 6 то 13 феврал Рӯзҳои фарҳанги Тоҷикистон дар Давлати Қатар баргузор мегарданд.
Дар ин хусус ба «Ховар» аз Вазорати фарҳанги Ҷумҳурии Тоҷикистон иттилоъ доданд:
Дар доираи Рӯзҳои фарҳанги Тоҷикистон аз ҷониби ҳайати эҷодӣ барномаи консертӣ, намоиши мусаввараҳо, аксҳо ва ҳунарҳои мардумӣ дар назар аст.
Рӯзҳои фарҳанги Ҷумҳурии Тоҷикистон дар Давлати Қатар бо мақсади шиносоии мардуми Қатар бо ҳунару фарҳанги Тоҷикистон баргузор шуда, барои таҳкими робитаҳо ва табодули фарҳангӣ заминаи мусоид фароҳам меоранд.
Бояд гуфт, ки Тоҷикистон бо Давлати Қатар 13 декабри соли 1994 робитаҳои дипломатиро оғоз намуда, то имрӯз марҳалаҳои гуногуни рушди дуҷонибаро тай намудаанд. Сафорати Давлати Қатар дар шаҳри Душанбе моҳи ноябри соли 2012 ва Сафорати Ҷумҳурии Тоҷикистон дар шаҳри Давҳа моҳи майи соли 2013 ифтитоҳ гардид. https://tajikpress.com/2026/02/07/%d0%b1%d0%b0%d1%80%d0%b3%d1%83%d0%b7%d0%be%d1%80%d0%b8%d0%b8-%d1%80%d3%af%d0%b7%d2%b3%d0%be%d0%b8-%d1%84%d0%b0%d1%80%d2%b3%d0%b0%d0%bd%d0%b3%d0%b8-%d1%82%d0%be%d2%b7%d0%b8%d0%ba%d0%b8%d1%81%d1%82/