Стоя́ла хы́жка по́пуд ха́щов,

дале́ко до́ста уд села́ -
двоїчко жи́ли Дідо з Ба́бов,
в них Ря́ба (ку́ричка) была́.
Робо́ту сво́ю зна́ла спра́вно -
усе́ в них ра́тота бы́ла.
Яко́сь (вже́ за вікном темніло)
покли́кав Дідо:"Пой сюда́!
Ги та́релы у ньо́го очи,
похо́жый рот на бу́кву "О"
(вповісти, ви́дко, штось їв хо́че):
"Пони́кай, Ба́бо, што ото́?"
В гнізді, де ку́ричка сиділа,
яєчко тіпа Фаберже́ -
грам 100 в нім (мо́же й 200) бы́ло...
"Но, пудфарти́ло ми исе́!"
Вже в Діда пла́ны грандіо́зні -
маши́на, я́хта, казіно...
А Ба́ба так йому́:"Серйо́зно?
Ты, Дідику, учти́ єдно...
Коли́'сь жени́вся - обіща́в'ись
и го́ры й до́лы золоті!..
Чого́ мовчи́ш? Язы́к прімкну́в'ись?
Типи́рь удпла́чу я тобі!
Буду́, ги фа́ма з Інстагра́ма,
и помоло́же си найду́!
Тобі не дам я ани гра́ма!
Иди, не гля́дай си біду!"
'Но й ты, вповім ти, фіфа и́пна!..
И што у то́бі я найшо́в?
Была́ для ме́не ты ЄДИ́НА,
ги пе́сик, біг'им за тобо́в!
А ты "наліво" позира́ла
(завто́ я хы́жу туй покла́в)...
З кым, кро́ме ме́не, ты щи ма́ла?" -
чоло́ си Дідо почеса́в...
"А ты..а ты..." было́ до ра́на,
перемыва́ли кісточкы́
(ото зако́н є мелодра́мы:
треба́ "скеле́т в шкафу́" найти́)...
Но туй розв'я́зочка наста́ла,
вать."о́ве́р ґе́йм" вповісти мош:
сіры́нька мы́шка пробіга́ла,
ги бы її куса́ла вош.
Яйце задів грызу́н кова́рный -
лиш шкарлупа́ пуд падеме́нт!
Были́ у Діда й Ба́бы пла́ны -
розби́лися они у ме́нт...
Маши́на й казіно удпа́ли,
пропа́в у SPA абонеме́нт...
Нела́жена ся кры́ша впста́ла,
в дірках, трухля́вый, падеме́нт...
И бы́ла, всьо́-таки́, машина
(ота, што з но́мером "02" -
Інфа́ркт-інсу́льт сьому́ причи́на) -
и не в круіз їх повезла́...
Мора́ль:"Як мош життя́ прожи́ти
й не посважа́тися вобще́?
Но тре́ба ма́ло поліви́ти,
бо з то́го ху́же лиш буде́..."
Бабинець Ю.Ю.