Ики па нянь ӆант

Ики атэӆт хотан ус. Ипуш нянь ӆант рувтас. Нянь ӆантаӆ кур шанша омассаӆӆы. Ӆув па иӆ оӆас.
Имоӆтыйн нянь ӆантаӆ нох эӆӆас па путаӆ эӆты иӆ эпатты питас. Ин ики оӆам сахат хуӆантыйӆ, кур шанш пелакан амуй шиӊхартыты щащаӆ?!
Самаӆ манас па кимӆы пеӆа хухаӆмас. Нумасаӆ: «Амуй хойн ёхатсайм?».
Ким мантаӆ сахат моӆщаӊ понаӆ ован лап пентсаӆӆы. Щаӆта па щитаӆ таӆман нумасаӆ: «Амуй хойн катаӆсайм?».
Таӆтаӆ эӆты, моӆщаӊ понаӆ хоӆ тохнамтас. Пакнам икев ванан уӆты ӆухсаӆ хоща наврас. Ястаӆ: «Хот ӆыпеман амуй щащаӆ». Ӆухсаӆ пиӆан сора тохи манапсаӊан. Щит нэш нянь ӆантаӆ иӆ эпатмаӆ. Щи.