УРАҘА БАЙРАМЫ

Рамазан айы үтте,
Шәүүәл дә килеп етте,
Барлыҡ мосолман донъяһы
Оло байрамды көттө.
Килде беҙгә ҙур байрам,
Бар ғәләм ҡалһын хайран,
Хәләл ризыҡтар әҙерләп
Ғаиләң менән һыйлан!
Байрамдар матур уҙһын,
Өҫтәл тулы һый булһын,
Эргәбеҙҙә дуҫ туғандар
Яҡын кешеләр булһын!
Самауырҙар, табалары
Иртә таңдан шыжлаһын,
Табында Ҡөръән уҡылып
Мөнәжәттәр тыңланһын!
Фәүзиә Ҡотлогилдина – Алтынбикә