"Аҷал ёдд"

Насавам маш хабарата аҷал ёдд,
Виям мис дарбадарата аҷал ёдд,
Гар арцӯнд мис виям маш поки покӯн,
Насавам бесамарата аҷал ёдд.
Пи мам дунё умед чидов хато кор,
Ху дил пур аз умед чидов хато кор,
Дурузинҷа пи мам дунё кинам зур,
Аҷал мис ноумед чидов хато кор.
Йилавен подпиҷар додҷ нур пи дунё,
Найен дин ғам,найен ойинга парво,
Ринухчен аз ху расмат аз ху ойин,
Ху ҷефа ҷат ринухчен аз ху Мавло.
Ичай аз маш наедҷ пул ар ви дунё,
Найи ҷефа арам чугҷ нур йу савдо,
Насибта сӯд фақат машард сафед сӯн?
Аҷаб ҷефата кихт маш пицга расво,
Башанд сӯд вет ху пиц нур тар Худоям,
Ку вет бас нур гуноен аз ви ҷоям,
Қадам ту зез намозат анҷа Руза,
Ху нафси бад ши вет нур тар зибодам.
( Қ.Кабутаршо 23.01.2018 сол)