"Наник"

А нанҷӯн во зимистӯн сут,
Жиниҷ во нур фаровӯн сут,
Илав ҷйой холи борӯн сут,
Аммо афсус туят нур нист.
Туйат тойд чилла давраянд,
Ца тойдат рузи гандаянд,
Хацик ях вад ху саргаянд,
А нанҷӯник туйат каданд?
Зимистӯн вуд буор мис ят,
Буори лолазор мис ят,
Аҷаб наник хумор мис ят,
А нанҷӯник туйат каданд?
Амеха чиллахабенанд,
Туйат наник му ёденанд,
Диҷат хайр яст му коренанд,
А нанҷӯник туйат каданд?
Қадам нур оят айрӯн редҷ, Шитоиндир пи борӯн редч,
Ту чато софа гирйон редҷ,
А нанҷӯник туйат каданд? ( Қ.Кабутаршоев.21.11.2016.Душанбе)