💥 У рамках акцыі «Кожная пятніца – роднае сваё» ў ДУК «Цэнтралізаваная клубная сістэма Кіраўскага раёна» адбылася выстава малюнкаў студыі выяўленчага мастацтва «Вернісаж» пад назвай «Беларуская жанчына»

📷 На фотавыставе прадстаўлены партрэты беларускіх жанчын розных прафесій, і кожная з іх – унікальная па-свойму. Дзякуючы сваёй творчасці дзеці выказалі сваё бачанне беларускай жанчыны як нязменнай захавальніцы сямейнага агменю і жывога сімвала роднай Беларусі.
Гэтая выстава стала сапраўды яркай падзеяй у шэрагу мерапрыемстваў, прысвечаных Году беларускай жанчыны. Кранальныя і таленавітыя работы юных мастакоў ужо сёння напаўняюць сэрцы вясновым настроем і лагодна нагадваюць аб неацэннай ролі жаночага пачатку як у жыцці кожнага чалавека, так і ва ўсёй краіне.