🍜Укучылар токмач кистеләр, жюльен пешерделәр

🔹Саба урта гомуми белем бирү мәктәбе базасында «Пешекче эше» компетенциясе буенча мәктәп укучылары арасында «Оста-Саба» чемпионаты узды.Аш-суга осталыкта районыбызның 27 укучысы көч сынашты. Укучыларның эшләрен Сабаның танылган аш-су остасы Фирүзә Бәшәрова җитәкчелегендәге жюри бәяләде.
🔸 5-7 класс укучылары коймак пешерүдә, табынга сервировкалап җиләк-җимеш тезүдә көч сынашсалар, югары класслар оста итеп токмач кистеләр, француз кухнясы ризыгы- жюльен пешереп күрсәттеләр. Конкурсантлар арасында ике егет тә ризык әзерләүдә кызлардан калышмады.
5-7 класс укучылары арасында җиңүчеләр түбәндәгечә булды:
1⃣ урын – Мәрьям Хазирова, Тимершык урта мәктәбе
2⃣урын – Энҗе Мансурова (Сатыш урта мәктәбе)
3⃣ урын –Софья Мартиросова (Икшермә кадет мәктәбе)
8-11 класслар арасында җиңүчеләр:
1⃣ урын – Сөмбел Ганиева (Килдебәк)
2⃣ урын – Айдар Сабитов (Лесхоз)
3⃣ урын – Әдилә Мөбарәкова «ЦО «ОНИКС».
🔸Афәрин, укучылар!👏🏻