СЁННЯ, 5 красавіка 2026 года...

Гістарычныя падзеі 5 красавіка
У 1936 годзе адкрыўся Музей Беларускага Палесся.
У 1990 годзе Вярхоўны Савет БССР аб’явіў 26 красавіка днём Чарнобыльскай трагедыі. Хто нарадзіўся 5 красавіка
1793 год: Канстанцін Радзівіл, палітычны дзеяч, мецэнат, адзін з першых беларускіх фалькларыстаў.
1954 год: Марыя Дзмітранок, беларуская паэтэса, стваральніца першай у Беларусі школы паэзіі "Лотас".
Таксама сёння нарадзіліся англійскі філосаф Томас Гобс і шведская спявачка, музычны прадзюсар, салістка групы ABBA Агнэта Фэльтског. 5 красавіка ў народным календары
Сёння праваслаўныя вернікі святкуюць Вербніцу. Гэта ўрачыстае хрысціянскае свята, якое прымеркавана да Уваходу Ісуса Хрыста ў Іерусалім, дзе народ сустракаў яго галінкамі фінікавай пальмы. У беларусаў замест пальмавых лісцяў выкарыстоўваюцца галінкі вярбы, што асвячаюць у храмах. Адсюль і назва свята – "Вербная нядзеля". Таксама сёння праваслаўныя вернікі шануюць памяць вялебнага Нікана Пячэрскага.
У гэты дзень прыбіраліся ў хаце, а пасля прапальвалі ў лазні.
Назіралі за надвор'ем: калі аблокі плывуць па небе, хутка пройдуць цёплыя дажджы. Зорнае неба прадказвае замаразкі. Сонейка пры ясным небе апоўдні – лета будзе гарачае. Калі пахмурна, летнія месяцы будуць дажджлівыя.