Балтач үзәк зурлар китапханәсендә һөнәр ияләре белән очрашулар еш уза.

Чираттагы очрашуда Балтач мәктәбендә укучы кызлар «Хезмәт» газетасы редакциясенең SMM - белгече – Алсу Ильяс кызы Надршина һәм заманча косметология буенча белгеч – Гөлназ Камил кызы Каюмова белән яшүсмерләр өчен актуаль булган темаларга фикер алыштылар.
Мавыктыргыч очрашу остазларның профессиональ яктан киңәшләре белән үрелеп барды.
Алсу Ильяс кызы заманча технологияләр - ясалма фәһем (искусственный интеллект) нигезендә эш барышында кулланыла торган хезмәт алымнары белән мастер-класс аша бүлешсә, Гөлназ Камил кызы гүзәл затлар өчен яз аенда бит тиресен тәрбияләү серләре хакында сөйләде, яшүсмерләр өчен матурлык дәресе үткәрде.