ԱՊՐԻԼԻ 7 — ԱՎԵՏՄԱՆ ՕՐ, ՄԱՅՐՈՒԹՅԱՆ ԵՎ ԳԵՂԵՑԿՈՒԹՅԱՆ ՏՈՆ 💐🌺💐🌺

Այս օրը Հայ Առաքելական Սուրբ Եկեղեցին հիշատակում է Սուրբ Մարիամ Աստվածածնի Ավետումը, երբ Գաբրիել հրեշտակապետը ավետեց Փրկչի ծնունդը։ Մարիամի խոնարհ ընդունումը դարձավ հավատքի, սիրո և նվիրումի հավերժ խորհրդանիշ։
Օրը հռչակված է նաև որպես մայրության բերկրանքին սպասող կանանց օրհնության օր․ եկեղեցիներում մատուցվում է Սուրբ Պատարագ և կատարվում է օրհնության կարգ։
Մայրությունը Աստծո պարգևն է՝ նոր կյանքի հրաշք։ Մայրն այն սուրբ ուժն է, որի գրկում յուրաքանչյուր ոք գտնում է խաղաղություն, սեր ու պաշտպանություն։
Թող այս օրը մեզ հիշեցնի գնահատել մայրերին, աջակցել կանանց և սիրով ու լույսով լցնել մեր աշխարհը։