Талкаланган тагдырлар

6- болум
Сизодо жатканда бардыгынан кабардар болуп турабыз, мен ишке чакырган Миргүл сегиз жыл эки ай, анын жигити менен жигитинин эжесине сот тогуз жылдан эркинен ажыратканын уктум. Сизодо жатып өтүм ооруп, приступ берди, бирок мага ношпадан башка дары берген жок. Жададым, сизодо отурган бир жарым жылды кошкондо, дагы эки жарым жыл отурсам, чыгам. Бирок түрмөдө отурган ар бир күн эмес, минута өтүшү кыйын. Сизо жакшы эмес, мушташ, уруш болуп турат, менин угушум боюнча Миргулдун жигитинин эжеси сизодо кызматкерлердин стукачы болуптур, мындай нерсе түрмөгө бат жетет, эртең зонага барганда чыккыча стукач атка конуп, ал жердеги аялдар жакшы жазалай турганын уктум. Бардык кыздардын камалганына мени күнөөлөшөт, бирок мен аларды зордоп алып келген эмесмин, эже сиз эркиндикте жүргөн кыздарга айтыңыз, эч качан тажиктерге ишенбесин, биз ага иштеп бердик, ал бизди наркотика менен көз каранды кылып, өзү кармалган жок, ага иштеген биз камалып кеттик. Баарынан мага Миргүл менен Шириндин тагдыры ойлонтот, биздин балдарыбыз бар, бул экөө эми жыйырмадан ашкан кыздар, келечеги кандай болот деп ойлойм. Кыздар биз баскан жолдо баспагыла, биз кылган кылмышты кылбагыла, мен көп кыздардын наркотика колдоноорун билем, сураныч токтоткула, аягы жакшылык менен бүтпөйт, он жолу наркотика ташысанар эч ким билбей аткан болсо, акыры бари бир бизге окшоп колго түшөсүңөр деп сөзүн бүтүргөн Гулянын мага жазган катын ушул жерге жүктөп коюуну туура көрдүм.
Урматтуу окурман өзүңөр тыянак чыгарып алгыла!
Салтанат Митиева