Бортніцтва ў Беларусі

Грамніцы - зімы палавіца, і сама Грамнічная свечка (галоўны сакральны атрыбут)

«Ізноў восень на Палессі» Гэта аўтарскі фільм пра палескага бортніка, яго сына і пчол, якія жывуць разам з лесам, а не побач з ім. У стужцы — сапраўдныя калоды-вуллі высока на дрэвах, лясное бортніцтва Беларусі са Спісу нематэрыяльнай спадчыны UNESCO і ціхае восеньскае Палессе без глянцу і пастановак. Калі вам хочацца хоць на гадзіну апынуцца ў восеньскім палескім лесе - запрашаю на мой новы фільм «Ізноў восень на Палессі». Гэта гісторыя пра палескага бортніка, яго сына і пчол, пра жывое лясное бортніцтва, якое перадаецца ад чалавека да чалавека, ад бацькі да сына. У фільме вы ўбачыце сапраўдныя калоды-вуллі высока на дрэвах, лезіва, лазбень, доўжню, восеньскі агляд пчол і тую цішыню лесу,

Русалкі і бортнік

Сёння ўжо Мікола вясновы, хаця яшчэ некалькі тыдняў таму было холадна і здавалася вясна ніяк не хоча ісці. А ў бортнікаў свята - бо завяршаецца адказны гадавы цыкл: пачысціць калоды-вуллі, патварыць новыя вуллі - усё трэба паспець да Міколы. Бо ўжо пасля паляцяць раі ў новыя вуллі. Я ўзгадваю свой першы занятак у спадчыннага бортніка Васіля: калі прыехаў вясной да яго зацягнуць вулей на стойла - а ў паветры ад пішчыць усё. Якраз тады мы паспелі да Міколы патварыць і вулля сцягнуць, а пасля... Час чакання, калі і каму сядзе рой. Вось тое ўжо радасці поўны лазьбень :) Больш пра вясновыя клопаты ад саміх носьбітаў гэтага промысла. https://youtube.com/playlist?list=PL_vzcwU9BitgIkOuZWl74zK4g

Сёння важны дзень - Сусветны дзень пчалы. Яшчэ гадоў пяць таму  напісаў невялікую зацемку, якая і праз 5 год гучыць добра. Гэта шчырыя словы падзякі і павагі як самой пчале (і слепету канешне), так і бортнікам гэтага і таго свету, сем'ям і неабыякавым прыхільнікам. І так супала, што дата свята прыпадае пад завяршальны этап вясновага цыкла адказных прац бортніка, пад самага Міколу вясновага. А вось на паштоўцы ў руках бортнік стрымае кветку, якая не адно стагоддзе суправаджае пчол, а сам бортнік вітае пчол такім чынам:) Адгадайце, што за кветка?;) https://bortnictva.by/Chroniki/dziakuj_pcale#wbb1

Вялікдзень у бортніка пачынаецца з трохактавай кнігі бягучага года :) Вялікдзень на двары - пчолкі паляцяць сюды. #бортніцтва #беларусь #вялікдзень

Выйшаў запіс падкаста на канале "Так склалася гістарычна" з Ганнай Дзягель. Калі першы выпуск амаль 3 гады таму быў пра бортніцтва як промысел, то гэтым разам пагаварылі пра адзін з найбольш важных для пчол і людзей прадукт - воск. Воск і свечы: гісторыя, якая аб'ядноўвае час і прастору. Такія вядомыя для ўсіх прадукты пчалярства як мёд і воск з даўніх часоў мелі важная эканамічная, сацыяльнае і сакральнае значэнне. Часам воск і свечкі станавіліся галоўнымі атрыбутамі глабальных зменаў і значна ўплывалі на гісторыю сучасную. Кароткая гісторыя воску: Падкаст Так Склалася Гістарычна - 76 

Вясна прыходзіць хутка, і пачынаецца новы год для бортніка. Вось ужо і прабег Аляксей Цёплы - што для бортніка прыйшоў час лезці на верхавіны... Ці то пчол клікаць - ці то глядзець дзе яны тамака лётаюць:) Здаўна на Аляксея Цёплага (30 сакавіка) палешукі казалі: "на Ляксея Цёплага рыба ідзе на нераст, карова на верас - а бортнік на хвою". Кожнаму сваё месца. #бортніцтва #промысел #традыцыя #календар #беларусь #культурабеларусі

Вось і вынікі першага квіза "пчоламова" на дзень роднай мовы. Уражвае, як вы здагадаліся ў многіх адказах і як цяжка было ў іншых. Але ўсё роўна ўсім удзельнікам падабайка і павага за смеласць :)) Квіз і далей будзе існаваць - той, хто яшчэ не прайшоў або хоча паспытаць свой шанец - шукайце спасылку :) #бортніцтва #квіз #дзеньроднаймовы