Болашақ жарым туралы он бір арманым
Дей алмаймын өмірде барды жалған,
Дұғамды қабыл еткей жалғыз Аллам.
Болашақ жарым жайлы жүректе бар,
Тәп- тәтті әрі асыл он бір арман.
Біріншісі, жан-тәні сұлу болса,
Жүрегі толып тұрған жылу болса.
Мақсаты – барлық жақын адамдарын
Өкпелетпей, бақытты қылу болса.
Екіншісі, ақылды, дана болса,
Ата-анасын сыйлайтын бала болса.
Мінезімен көп жаннан дараланып,
Жүретұғын жолы тек сара болса.
Үшіншісі, Алланы ұмытпаса,
Бар жанымен шынайы ұлықтаса.
Кеудедегі жүрегін мәңгілікке
Жамандық атаулыға құлыптаса.
Төртіншісі, "елім" деп еңбек қылса,
Адал жолмен нан тауып терлеп тұрса.
Достарына тым адал адам болып,
Ер болса дұшпанына бермес мұрша.
Бесіншісі, санасы
