Ўзбекистонлик ҳарбийлар АҚШдаги мусобақада рекорд натижа билан ғолиб бўлди

Мудофаа вазирлиги ҳарбий хизматчилари Миссисипи штатидаги Camp Shelby ҳарбий-ўқув базасида бўлиб ўтган «Энг илғор жангчи–2026» мусобақасида иштирок этди. Улар АҚШ Миллий гвардиясининг махсус бўлинмалари билан куч синашди.
Якка тартибдаги баҳсларда III даражали сержант Турдимурод Авлаев мажмуавий тўсиқлар йўлагини 10 дақиқаю 34 сонияда босиб ўтган бўлса, кичик сержант Илҳом Саломов тунда 15 километр масофага ориентирлаш шартни 59 дақиқада бажарди. Ўзбекистонлик ҳарбийлар мазкур шартларнинг барчасида мусобақа рекордини янгилади.