🌹[ЛАМАЗАН АРКАНАШ А, СУННАТАШ А] 🌹↙

Ламазан рукнанаш берхIитта ю:↙
1. Нигат дар.
2. Нагахь хьалагIатталуш велахь, ирахIоттар.
3. Ламаз доьхкуш «АллоаIу акбар» алар.
4. Фатихьа сурат дешар, ткъа «БисмиллахIиррохьманиррохьим» цунах цхьа аят лоруш ду.
5. РукуI дар.
6. РукуIехь тем бар.
7. РукуIера хьаланисвалар.
8. РукуIера хьаланисвелча тем бар.
9. Сужуд дар.
10. Сужудехь тем бар.
11. Сужудера хьалавеъча тем бар.
12. Шина суждана юккъехь охьахаар.
13. Шина суждана юккъехь охьахиъча тем бар.
14. ТIаьххьара охьахаар.
15. ТIаххьара охьахиъча этхьиг дешар.
15. (Этхьиг дешна даьлча) Пайхамарна (АллахIера салват, салам хуьлда цунна) салават диллар.
16. Хьалхара салам далар.
17. Ламаз дерзон, аьлла, нигат дар.
18. Вай (лакхахь) йийциначу рогIехь арканийн къепе ларъяр.
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
Ламаз дехкале хьалха шиъ суннат ду:
1. Моллалла кхайкхар.
2. Къамат дар.
Ламазехь шиъ суннат ду:
1. Хьалхара этхьиг дешар.
2. Iуьйра-ламазехь а, мархин беттан шолгIачу эхехь къунут-доIа дешар а.
Ламазехь пхийтта дай-суннат ду:
1. Ламаз доьхкуш а, рукуIе охьатаьIаш а, цигара хьаланислуш а куьйгаш хьала айдар.
2. Аьтту куьг аьрручу куьйга тIедиллар.
3. «ВажжахIту» дешар.
4. «АIузу» алар.
5. Хезаш деша дезачу ламазашкахь доьшург хозуьйтуш дешар.
6. Къайлах деша дезачу ламазашкахь доьшург къайлаха дешар.
7. «Амин» алар.
8. «Фатихьа» суран тIаьхьа муьлхха а цхьа сура дешар.
9. Хьала-охьатеIаршкахь «АллахIу акбар» бахар.
10. (РукуIера хьала нислуш) «СамиIаллахIу лиман хьамидахI, роббана лакал-хьамд» алар.
11. РукуIехь а, сужудехь а тасбихьаш дар.
12. Ши куьг шина варе тIедиллар, аьрру куьг дIа а даржош, аьтту куьйган пIелгаш буйна а къовлуш, хьажо пIелг боцург, ткъа иза этхьиг доьшучу юкъанна хьажийна латтора бу.
13. Дерриг а охьа хийшарашкахь ифтираш куьцехь охьахийшар.
14. ТIаьххьара охьахууш, таваррук охьахаар.
15. ШолгIа салам далар.