Бөгелмәдә мәктәпкәчә яшьтәге балалар юл йөрү кагыйдәләрен кабатладылар

28 нче «Әкият» балалар бакчасында тәрбияләнүчеләр мөһим тема белән таныштылар.
«Җәяүленең куркынычсыз маршруты» чарасы кысаларында балалар өчен шәһәр мохитенең төрле элементлары — тротуарлар, тротуарсыз юллар һәм хәтта торак зонасы булган чын юл шартлары булдырылды. Нәниләр үзләрен чын юл хәрәкәте катнашучылары итеп хис итсеннәр өчен, барлык объектлар баланың буена туры китереп ясалган иде. Укытуның төп герое — җәяүлеләр маршруты буенча хәрәкәт итүче робот-китерүче булды. Ул балаларга сораулар бирде һәм биремнәр тәкъдим итте.
Дәреснең төп өлеше булып биремнәр белән «Панорамалы китап» авторлык уены торды. Анда торак зонасындагы төрле хәлләр сурәтләнгән иде: подъезд юллары аша чыгу, ишегалдында уеннар, автомобильләр янында качышлы уйнау. Балалар махсус хәрәкәтләнүче элементлар ярдәмендә чынбарлыктагы хәлләргә «чумдылар» һәм куркынычсыз маршрутлар эзләделәр.
Чара ахырында барлык катнашучылар «Юл хәрәкәте куркынычсызлыгы» ДБУның Әлмәт шәһәрендәге территориаль идарәсенең Бөгелмә бүлеге җитәкчесе Татьяна Баяновадан истәлекле бүләкләр алдылар.