Jаҥы Jыллла

Jозооры jӱрелик
Кирген бу jылда!
Jобобой jӱрелик
Jымшак бу jылда!
Jолын алсын
Jолдоштор бу jылда.
Jойлонбосын ӱйлерис
Jозокту бу jылда!
Jоктожып jӱрелик
Jон болгон адында!
Тулаан ай чыксын,
Туулар ажыра,
Тулуҥду чыксын
Турага отурбай,
Тырмакту чыксын,
Ичеенге jатпай.
Jаражай кыстарыс
Jатка ол баргай,
Jарынду эрлерис
Jакшысын алгай!
Jакалу алтайыс
Jаарсып, jытангай!
Тайгылыс аҥдарды
Тадыра агырткай!
Тайгадаҥ арчымак
Канду ол jангай!
Jолчылар jонысты
Jозооры башкаргай,
Бакшылар алкышы
Баарыска ол тийгей!
Бычубыс бу jаҥыс,
Бурканыс - буур jаҥыс –
Быртыыр салым jок!
Санаабыс - саҥ-jаҥыс,
Салымыс – сок jаҥыс –
Саатабай, ачылгай!
Судурыс сур-jаҥыс,
Сузыбыс су-jаҥыс -
Суузыныс кандыргай!
Ӱштиҥ-тӱнниҥ арада
Ӱлгерлер чӱмделгей!
Ӱйелер ӱдеген арада
Ӱӱрлежип кычыргай!