-Мәетләргә файдасы булган гамәлләр бар. Шул гамәлләрне даими рәвештә кылып тору мактаулы һәм күркәм,гамәлләрдән булып тора. 1) Коръән укып, савабын мәетнең рухына багышлау. 2) Үлгән кеше өчен хәер-дога кылу. -Ибраһим пәйгамбәрнең догасын һәм белгән догаларыбызны уку. Ибраһим пәйгамбәр: “Раббәнә-гъфирлии вәли-вәәлидәййә вәлил-му’миниинә йәумә йәкуумүл-хисәәб”, – дип дога кылган. Мәгънәсе: "Йә, Раббым, үземне, ата-анамны һәм башка мөэминнәрне Кыямәт көнендә мәгъфирәт кыл". 3) Кешеләргә бурычы булса, бурычын түләү. 4) Изге эшләр,гамәлләр,гыйбәдәтләр эшләп, савабын мәетнең рухына багышлау. Мәет күмелгәннән соң, беренче көннән башлап, җиденче көнгә кадәр мохтаҗларга сәдака биреп, савабын мәетнең рухына багышларга мөмкин.Бу – сөннәттер. Хәленнән килмәгәннәр, ике рәкәгать нәфел намазы укып, савабын мәеткә багышларлар. "Мәет озату йолалары" китабыннан. Олы хөрмәт һәм изге теләкләр белән, Биккол авылы мәчете Рөстәм хәзрәт Гәрәев.