Ўғлинг бўлса ўғрининг устида ҳeч кулмагин,

Қизинг бўлса фоҳишани сира мазаҳ қилмагин.
Гадо кўрсанг кўчада уриб, тепиб ўтмагин,
Соқовга савол бериб кулиб жавоб кутмагин.
Гарангни карсан дема, жиннига тош отмагин,
Қайтар дунё қайтармуш бу гуноҳга ботмагин...
Йиғлаб юрган бечорани кимки кулса устидан,
Ўзига ҳам қайтади ўғил ёки қизидан.
Яхшилик қил, дилдан қил! Йўл бермагин миннатга,
Кибрли мақтанчоқлар кирмас экан Жаннатга...
Бировни кийимига қараб берма ўзингча баҳо,
Шароити шундайдир балки ўзи бебаҳо.
Сени яратган Аллоҳ уларнинг ҳам Худоси,
Етти осмонга етар Мазлумларнинг дуоси!!!