Цlунизе ккела авар мацl.

Гlумруялъ малъараб гlадаб гlакълу - лъай букlунарилан абула умумуз.
Унго - унгояб кьалбал нилъер заманалъул гъварилъуде анагlан, инсанасул ихтиярал хlакъикъияб гlумруялде гlагарлъанагlан, гlемерго цlикlкlун ратунел руго халкъалъул миллияб цебетlеялъе, гьелъул миллияб культураялъе ккарал кlудиял гъалатlал.
Аваразда авар мацl лъангутlи гlадаб, ва цоцазда гьеб тlубанго кlочон тей гlадаб кlудияб такъсир жакъа къоялъ щиб бук1инеб?
Кигlан Расул Хlамзатовас кочlолъ ахlаниги, ахlи бахъинабун гьелъул хlакъалъулъ бицаниги, бищунго захlматаблъун лъугьараб гьеб унти киндай сах гьабилеб, яги сах гьабун бажаризего бажарилебдай?
Огь магlарухъ сордо, магlарухъ сордо.
Сордо гьениб бачlев вачlа цо щвезе,- ян хlасраталда ахlула магlарул кочlохъанас.
Ахlулеб букlаниги, щвалде щун гьел хlасратал рагlабазул магlнаги бичlчlуларел, авар берцинлъиялъул бицунеб букlаниги, ургьибги унарел, жеги берда аварлъи бихьичlел гlолилазда бокьизабизе захlмалъулеб буго нилъерго умумузул тарихги, гlасрабаз нилъее ирсалъе тараб мацlги, цlарги.
#авармацl #рахьдалмацl #цlуне