Кузе таче марий-влак Кугечым палемдат, лудшына-влак деч рашемдена.
Эльвира Лисицына, Марий Элын сулло да калык артисткыже:
– Пытартыш жапыште пайремым авам дене ялыште палемдем. Кугече вашеш Ошыгчынжак кастене муным чиялтена. Утларак йылгыжше манын, тудым ӱй дене йыгена. Пайрем эрдене ӱстелым погена, туарам, куличым ыштена...
Авам кочкаш шичме деч ончыч сортам чӱкта, тоштыеҥым ушта. Можым-кузежым тудо сайын пала, нунын деч йӧным ышташ йодеш.
Олаште лиймем годым муным тыгак кастенак чиялтем. Ме пашаште икте-весылан вашталтыл кучыктена. Мыняр муным наҥгает, тунарак мӧҥгеш кондет, лектеш.
газетамарийэл.рф/kechyzhat-...
📸 Яшката капкылан, суралге кудыррак ӱпан да кече гай шыргыжалше да молымат шыргыжаш таратыше уста фотограф ИВАН РЕЧКИНЛАН таче - 70 ий🌺🌺🌺.
💐Иван Никандрович юбилейда дене шокшын саламлена да пеҥгыде тазалыкым, кужу ӱмырым тыланен, чон йодмо сомылда эреак кумылдам нӧлтыжӧ.
КУМДАНРАК: https://газетамарийэл.рф/nikandrych-chylazhymat-uzhyn-shukta/
Фотом еш альбомжо гыч налме
У Торъял район Кугу Кемсола ял гыч поэтессе Раисия Петухован, шукынжо тудым Леон Рая псевдоним дене палат, 31 мартыште У Торъял рӱдӧ книгагудышто «Илыш лӱҥгалтыш» книгажын презентацийже лийын.
Поэзий пайремым шочмо кечыже лӱмеш эртарен. Мутмастарын тиде индешымше сылнымут саскаже. Икымшыже «Чон воштончыш» маналтын. Тудо 2000-ше ийыштак лектын.
А такшым почеламутшо-влак чӱчкыдын шочыт мо? Кызыт мом ышта? Кузе ила? Тиде да моло нерген унана дене мутланена.
Любовь Камалетдинова
газетамарийэл.рф/pocheshemz...
🌞🌷Поро эр, пагалыме лудшына-влак!
Таче 24 апрель, кугарня. Кечыда ласкан эртыже, пашада тӱвыргӧ лектышан лийже!
📌 Таче йӱр йӱреш гын, поҥго шуко шочеш.
📌 Эрдене кава чевер але йошкаргырак тӱсан – мардежлан але йӱрлан.
📌Таче игече ояр, а эр йӱштӧ – икияш писын кушкаш тӱҥалеш.
🌺Таче тыгай лӱман-влакын суксо аралтыш кечышт: Ефим, Иван, Николай, Петр, Харитон, Яков, Ян.
📸Михаил Скобелевын фотожо/"Марий Эл" увер агентстве.
❄💦💨Лум чот вочмылан, иян йӱрлан да кугу мардежлан кӧра Йошкар-Оласе уремлаште да кудывечылаште пушеҥге ден укш камвозыныт, уремысе тул воштыр ияҥын да южо вере кӱрышталтын.
Еҥ-влак коклаште эҥгекыш логалше уке, туге гынат икмыняр автомобиль ӱмбак пушеҥге але укш камвочмым палемдыме. Транспортлан але еҥ-влакын эрташышт мешайыше укшым але пушеҥгым эрыктыме чыла увер единый дежурно-диспетчер службыш 112 номеран телефон номер дене пура. Таче, 21 апрельыште, кечывал марте 100 тыгай увер пурен.
Оласе уремлаште, корно сетьыште «Город» АО-н бригадыже-влак пашам ыштат, нуно йӧрлшӧ пушеҥге ден укшым эрыктат. Виктарыше компаний-влак пурышо йодмаш почеш кудывечылаште пашам ыштат. Энергетик-влак электроснабженийым уэмдымаште да воштырыш йӧрлшӧ пушеҥгым эрыктымаште тыршат. «Троллейбус транспорт» ГУП-ын пашаеҥже-влак троллейбус маршрутлаште контакт сетьым ий деч эрыктеныт. Кызыт троллейбус-влак маршрутыш лектыныт.
📸Михаил Скобелевын да Антон Трудиновын воткыл лаштыкше гыч налме фото-влак.
Калык йодмо – тӱҥ верыште
Кужэҥер район Тумньымучаш ял шотан илем кундемыште верысе кучем ял калык дене пырля шуко поро пашам шукта.
Тиде ял администрацийым ынде ятыр жап Алина Тобекова вуйлата. Ты пагытыште ял калыкын илыме йӧнжым саемдышаш верч шагал огыл корным ачалыме, памашым, шӱгарлам тӱзатыме, шарныктышым уэмдыме , икшыве-влаклан модашышт кумдыкым ыштыме. Шуктышаш паша эшеат шуко. Алина Эриковна дене тидын нерген мутланена.
– Алина Эриковна, пытартыш ийлаште тендан кундемыште могай сай вашталтыш лийын?
– Ял шотан илем кундемышкына латныл ял пура. Эн кугулан Кугу Тумньымучашым шотлыман, тыште кумшӱдӧ утла еҥ ила. Тумньымучаш селам, Старсела, Коҥганур ялламат кугу радамыш пуртыман. Идалык тӱҥалтышлан чылаже 1217 еҥ илен. Эше теве мом каласынем: мемнан дене кок ялозанлык предприятий, «Тумьюмучаш» ден «Верх-Ушут» ООО-влак, пашам ыштат. Нуно вияҥме пагытыште улыт, тӱҥжӧ – верысе калыклан паша верым пуат. Меат нунылан эҥертена.
Ял илышнам саемдаш тӱрлӧ проектлан эҥертена. Эн ончычак «Калыкын тӱҥалтышыже» республик кӱкшытан проект чот полша. Ӱмаште Одывлакыште памашым тӱзатышна. Ынде тудо турист маршрутыш пурен да кеҥежым тыште турист-влакым чӱчкыдын ужаш лиеш. Коҥганурышто йоча-влаклан модашышт кумдыкым, Лопсолаште корным ыштыме. Тений ты проект почешак Тумньымучаш селаште Кугу Ачамланде сарыште вуйыштым пыштыше-влак лӱмеш шарныктышым ачалаш тӱҥалына, оксам ойырымо. Тыгак ял калык шке кумылын шӱгарлам эрыкташ лектын, шошо еда уремлам тӱзатыме пашашке кумылын ушна.
Кугу Тумньымучашыште чапле ФАП-ым чоҥымо, Тумньымучаш связь отделенийым жаплан келшышын ачалышт.
– Тений теле чот луман ыле. Ты нелылык гыч кузе лектында?
– Корным эрыкташ эн ончычак «Тумьюмучаш» ООО-лан эҥертенна, тудын дене вашкылым ыштенна. Тыгак «Верх-Ушут» озанлык шке техникыжым ойырен. Нелылык лекме годым Лопсола ялын старостыжо Анатолий Таныгин гусеницан тракторжо дене полшаш лектын.
Корным лум деч эрыкташ шуко окса каен, сандене тений ноябрь-декабрьлан корно бюджет гыч ойырымо шийвундо изишак веле кодын. Ынде корным ачалаш тыгыде кӱм кондаш, тыгак уремым волгалтараш, электролампым вашталташ йӧнна уке. Вет тыгай пашаланат окса ты фонд гычак ойыралтеш. Шонена, нелылык гыч лектына.
Кодшо ийын Пекесолаште дамбе корным вӱдшор мушкын ыле. Йӧра кеч ты туткарым кораҥдаш кӱчык жапыште республикын правительствыже полшыш, оксам ойырыш да «Марийскавтодор» акционер ушем азапым кораҥдыш.
Снимкыште: Алина Тобекова.
Вячеслав Смоленцевын фотожо.
6 гыч 16 апрель марте Подписке декаде эрта. Тудын кышкарыштыже «Марий Эл» ден «Сурт-пече» газет-влаклан 15 процентлан шулдынрак возалташ лиеш. Тиде йӧн дене пайдаланыде ида код!
Таче ме газетнан вес йолташыже-влак – Волжский округысо Шайрамбал ялыште илыше Любовь ден Виктор Логиновмыт – дене палдарена. Нуно подпискым ыштыме квитанцийышт дене сад-пакчаште пайдаланыме сорлам модын налыныт, да ме тудым март кыдалне мӧҥгышкыштак намиен пуэнна.
Газетым лудшо йолташна-шамычын кӱкшакаште верланыше чатка да мотор сурт-печышт келшыш: окнамат, капкамат пеш сылнын сӧрастарыме, моло оралтымат йытыран чоҥымо. Суртоза шӧртньӧ кидан улмаш! Но озаватат пелашыжын пашам ыштымыжым ӧрдыж гыч ончен ок шого, кертмыж семын полшашак тырша. Тыгакак шондык гай сурт-печым чумыреныт.
– Жапше годым визытын иленна гын, кызыт коктын веле кодынна. Йоча-влак кушкыныт да олашке илаш кусненыт, ынде утларакше уныкана-шамычым веле конден кодат, – мане Любовь Валерьевна.
Озавате социальный пашаеҥлан ышта, пошкудо пӧртыштӧ илыше кугу ийготан ӱдырамашым онча. Суртоза кызытеш мӧҥгыштӧ тошкыштеш, мланде топланымек, шке манмыжла, шабашкыш кая.
Логиновмыт кеҥежым шуко емыж-саскам, шыжым поҥгым погат, монча выньыкым пидыт да утыжым ужалат. А кастене, сурт сомылка деч ярсымек, газет-влакым лаштыклат.
– Анастасия ӱдырна почеламутым марла воза, южгунам газетлаштат савыкталтеш. Модын налме сорла дене сад-пакчаште пайдаланымына годым тендам порын шарналташ тӱҥалына. Тау призланда, – чеверласыме годым палемдыш Любовь Логинова.
Маргарита ИВАНОВА.
Алевтина БАЙКОВАН фотожо.
📸 Яшката капкылан, суралге кудыррак ӱпан да кече гай шыргыжалше да молымат шыргыжаш таратыше уста фотограф ИВАН РЕЧКИНЛАН таче - 70 ий🌺🌺🌺.
💐Иван Никандрович юбилейда дене шокшын саламлена да пеҥгыде тазалыкым, кужу ӱмырым тыланен, чон йодмо сомылда эреак кумылдам нӧлтыжӧ.
КУМДАНРАК: https://газетамарийэл.рф/nikandrych-chylazhymat-uzhyn-shukta/
Фотом еш альбомжо гыч налме
Фильтр
загрузка
Показать ещёЛевая колонка
О группе
Марий Элысе увер, политике да мер паша, ял озанлык да культур илыш, спорт да таза илыш йӱла, марий артистын, писательын, лӱмлӧ да тыглай марий еҥын пашаже да пӱрымашыже, историй да краеведний, Российысе кундемлаште илыше марий-влак нерген газет.
- Администратор:
- ул. 70 лет Вооруженных Сил СССР, 20, Йошкар-Ола
Скрыть информацию